पोखरा (हाम्रो खेलकुद) – नेपाल एपिएफ क्लबको पुरुष टोली र त्रिभुवन आर्मी क्लबको महिला टोलीले नवौं राष्ट्रिय खेलकुद अन्तर्गत रग्बीतर्फ स्वर्ण जितेका छन् ।

कास्कीको भण्डार डिक ग्राउन्ड लेखनाथमा भएको फाइनलमा नेपाल एपिएफ क्लबको पुरुष टोलीले फाइनलमा लुम्बिनी प्रदेशलाई १०–७ अंकले विजयी हुँदै स्वर्ण जितेको थियो ।

पहिलो हाफमा लुम्बिनीले अग्रता लिएपनि दोस्रो हाफमा बचाउन नसक्दा पराजित भएको हो । लुम्बिनी पहिलो हाफमा लुम्बिनीले ७ अंक ल्याउँदा एपिएफले ५ अंक लिएको थियो । एपिएफको लागि पहिलो हाफमा निरोजले ५ अंक जोडेका थिए । लुम्बिनीका लागि विजयले ७ अंक लिएका थिए ।

दोस्रो हाफलमा लुम्बिनीले अंक थप्न नसक्दा एपिएफले पाँच अंकका साथ च्याम्पियन बन्यो । दोस्रो हाफलमा लक्ष्मणले पाँच अंक लिएका थिए । यता महिलातर्फ आर्मीले एपिएफले १०–० ले पराजित गर्यो । पहिलो हाफमा आर्मीले १० अंक बटुलेको थियो ।

पहिलो हाफमा आर्मीको लागि विशाखा समिताले समान पाँच अंक जोडे । दोस्रो हाफलमा कुनै अंक नजोड्दा आर्मी विजयी भयो ।

महिलातर्फ कास्य पदक सुदूरपश्चिम र पुरुषतर्फ गण्डकी प्रदेशले कास्य जितेका छ । सुदूरले मधेश प्रदेशलाई ५–० अंक ले पराजित गर्यो । गण्डकीले तेस्रो स्थानको लागि भएको खेलमा गण्डकीले आर्मीलाई १०-५ अंकले पराजित गर्यो । महिलामा लुम्बिनी प्रदेश बाहेक अन्य सबैको सहभागीता थियो । पुरुषमा भने सबै टोलीको सहभागीता थियो ।