आर्मीका सोमलाई नवौंमा अर्को स्वर्ण

खरा (हाम्रो खेलकुद)– त्रिभुवन आर्मी क्लबका सोमबहादुर कुमालले नवौं राष्ट्रिय खेलकुदको ८ सय मिटरमा स्वर्ण पदक जितेका छन् । नवौंमा यो उनको दोस्रो स्वर्ण पदक हो ।

पोखरा रंगशालाको एथलेटिक्स ट्रयाकमा बुधबार १ मिनेट ५४.०८ सेकेन्डमा पूरा गर्दै स्वर्ण पदक जितेका हुन् । नेपाल पुलिस क्लबका तेजबहादुर कार्की रजत र आर्मीका सुनिल सुनारले कास्य पदक जितेका छन् । तेजले १ मिनेट ५५.२१ सेकेन्ड सुनिलले १ मिनेट ५५.५२ को समय निकालेका थिए ।

सोमले मंगलबार ३२ वर्ष पुरानो कीर्तिमान तोड्दै पुरुष ४ सय मिटर दौडमा स्वर्ण जितेका थिए । ४७.९५ सेकेन्डमा ४ सय मिटर पूररा गर्दै सोमले नयाँ राष्ट्रिय कीर्तिमानसहित स्वर्ण जितेका हुन् ।

३ वर्षअघि स्वदेशमा आयोजना भएको १३ औं सागका पदक विजेता सोमले ३२ वर्षअघि (सन् १९९० मा) चीनको बेइजिङमा राखेको ४८.३२ सेकेन्डको आशाराम चौधरीको कीर्तिमानलाई तोडेका हुन् ।