पोखरा (हाम्रो खेलकुद) – गण्डकी प्रदेशमा जारी नवौं राष्ट्रिय राष्ट्रिय खेलकुद प्रतियोगिता सकिने संघारमा पुग्दा विभागीय त्रिभुवन आर्मी क्लबले पदक तालिकामा आफ्नो शीर्षतालाई यथावत राखेका छन् ।

आर्मीले पाँचौ दिनको खेल सकिदा आफ्ना प्रतिद्धन्द्धीविरुद्ध दोब्बरभन्दा बढी स्वर्णको अग्रता बनाएको छ । आँफुले सहभागिता जनाएको हरेक खेलमा पकड जमाएको आर्मीले ८८ स्वर्ण, ५८ रजत र ३९ कास्यगरी कुल १८५ पदक जितेको छ ।

दोस्रो स्थानमा रहेको पुलिसले ३७ स्वर्ण, ३१ रजत र ४० कास्य गरी १०८ पदक जितेको छ । एपिएफले ३१ स्वर्ण, ३४ रजत र ५५ स्वर्ण गरी १२० पदक जितेको छ ।

चौथो स्थानमा उक्लिएको गण्डकीले १६ स्वर्ण, १५ रजत र ३० कास्यगरी ६१ पदक जितेको छ । बागमतीले १५ स्वर्ण, २८ रजत र ३१ कास्यगरी ७४ पदक हात पारेको छ । एनआरएनएले ९ स्वर्ण, ७ रजत र ५ कास्य गरी २० पदक जितेको छ । एनआरएनएले सबै स्वर्ण पौडीबाट जितेको हो ।

सुदूरले ८ स्वर्ण, ४ रजत, २० कास्यगरी ३२ पदक जितेको छ । मधेशले ५ स्वर्ण, ७ रजत र १९ कास्यगरी ३१ पदक जितेको छ । प्रदेश १ ले ३ स्वर्ण, १६ रजत र ३२ कास्यगरी ५१ पदक जितेको छ । लुम्विनीले ३ स्वर्ण, १२ रजत र २२ कास्य गरी ३७ पदक जितेको छ । कर्णाली १ स्वर्ण, २ रजत र ७ कास्य गरी १० पदक जितेको छ ।