पोखरा (हाम्रो खेलकुद) – पौडीमा आर्मी च्याम्पियन बनेको छ । २० स्वर्ण, ९ रजत र ७ कास्यसहित ३६ पदक जित्दै आर्मी टिम च्याम्पियन बनेको हो ।

एनआरएनए ९ स्वर्ण, ६ रजत र १ कास्य सहित १६ पदकसहित दोस्रो र एपिएफ ३ स्वर्ण, ४ रजत र ६ कास्य सहित १३ पदकसहित तेस्रो भयो ।

अन्तिम दिन आर्मीले चार स्वर्ण पदक जितेको छ । आर्मीले महिला ४ सय मिटर फ्रिस्टाइल दुवाना लामाले स्वर्ण जितिन् । उनले ४ मिनेट ४३.९२ सेकेण्डमा पुरा गरीन् । पुलिसकी मिगन गुरुङले रजत तथा बागमती प्रदेशकी टिसा महर्जनले कास्य जितिन् ।

पुरुष ४ सय मिटरमा एनआरएनका आशिष सापकोटाले स्वर्ण जिते । उनले ४ मिनेट ३५.३६ सेकेण्डमा पुरा गर्दै नयाँ कीर्तिमान समेत राखेका छन् । प्रदेश १ का प्रारम्भ भण्डारीले रजत तथा एपिएफका सुरेन बहादुर सिंहले कास्य जिते । महिला १ सय मिटर बेष्टस्ट्रोकमा आर्मीकी दुवाना लामाले १ मिनेट १६.६३ सेकेण्डमा पुरा गर्दै स्वर्णपदक जितिन् । उनले यो विधामा पनि नयाँ कीर्तिमान कायम गरिन् । आर्मीकै उपास्थी मर्हजनले रजत तथा पुलिसकी अदिप्सा वैद्यले कास्य पदक जितिन् ।

पुरुष १०० मिटर बेष्टस्टोकमा प्रदेश १ का विकास कुमालले १ मिनेट ७.९३ सकेण्डमा पुरा गर्दै कीर्तिमानी स्वर्ण जिते । आर्मीका नासिर हुसेनले रजत तथा एनआरएनका आशिष सापकोटाले कास्य पाए ।

पुरुष २ सय मिटर बटरफ्लाईमा एनआरएनएका आशिष सापकोटाले २ मिनेट ९.४५ सेकेण्डको कीर्तिमानसहित स्वर्ण जिते । आर्मीका अनुभव सुब्बाले रजत तथा एपिएफका सुरेन्द्र बहादुर सिंहले कास्यमा चित्त बुझाए ।

महिला ५० मिटर फ्रिस्टाइलमा एनआरएनका एस्ली सापकोटा डंगोलले स्वर्ण जितिन् । उनले २७.८९ सेकेण्डमा पुरी परा गरिन् । आर्मीकी गौरिका रजत तथा आर्र्मीकै अनुसैया तन्डुकारले कास्य जितिन् ।

पुरुष ५० मिटर पुरुष फ्रि स्टाइलमा आर्मीका अलेकजेण्डर शाहाले २३.८७ सेकेण्डमा दुरि पुरा गर्दै स्वर्ण पदक जिते । पुलिसका शांखबहादुर रघुवंशीले रजत तथा एपिएफका तेन्जिङ नाम्दी रयान गरुङले कास्यपदक जिते । ४ सय मिटर फ्रिस्टाइल रिलेमा आर्मीले स्वर्ण, प्रहरीले रजत र बागमती प्रदेशले कास्य पदक प्राप्त गरेको छ ।

दुवाना लामाले ९ स्वर्ण, १ रजतसहित १० पदक जितिन् । नाजिर याया हुसेनले ७ स्वर्ण, २ रजत र १ कास्य सहित १० पदक जितेका छन् ।एनआरएनकी एस्ली सापकोटा डंगोलले ६ स्वर्ण, २ रजतसहित ८ पदक र आर्मीकै गौरिका सिंहले ५ स्वर्ण, १ रजतसहित ६ पदक जितिन् ।