३२ वर्ष पूरानो कीर्तिमान तोड्दै सोमलाई स्वर्ण

पोखरा (हाम्रो खेलकुद) – विभागीय त्रिभुवन आर्मीका क्लबका सोम बहादुर कुमालले ३२ वर्ष पुरानो कीर्तिमान तोड्दै पुरुष ४ सय मिटर दौडमा स्वर्ण जितेका छन् ।

पोखरा रंगशालास्थित एथलेटिक्स ट्रयाकमा मंगलबार भएको नवौं राष्ट्रिय खेलकुद अन्तरगत पुरुष ४ सय मिटर स्पर्धामा सोमले निर्धारित दुरी ४७.९५ सेकेन्डमा पूरा गर्दै नयाँ राष्ट्रिय कीर्तिमानसहित स्वर्ण जितेका हुन् ।

सोमले ३२ वर्षअघि आशाराम चौधरीले सन् १९९० मा चीनको बेइजिङमा राखेको ४८.३२ सेकेन्डको कीर्तिमानलाई तोडेका हुन् ।यस स्पर्धामा एपिएफका आशिष चौधरीले ४९.४० सेकेन्डमा पूरा गर्दै रजत पदक जिते । आर्मीका प्रकाश दनुवारले ४९.९० सेकेन्डको समय निकाल्दै कास्य जित्न सफल भए ।