पोखरा (हाम्रो खेलकुद) – गण्डकी प्रदेशमा जारी नवौँ राष्ट्रिय राष्ट्रिय खेलकुद प्रतियोगिताको चौथो दिन सकिदा विभागीय त्रिभुवन आर्मी क्लबले पदक तालिकामा आफ्नो शीर्षता यथावत राखेका छन् ।

आँफुले सहभागिता जनाएको हरेक खेलमा पकड जमाएको आर्मी शारीरिक सुगठन र फेन्सिङमा सर्वाधिक स्वर्ण जित्दै टिम च्याम्पियन बनिसकेको छ । एथ्लेटिक्स, पौडीलगायतका खेलकापनि आर्मीले बर्चस्व जमाएको छ ।

सातौँ र आठौँको च्याम्पियन आर्मी यसपटक पनि सर्वाधिक पदक जित्दै च्याम्पियन बन्ने बाटोमा पुगिसकेका छन् । आर्मीलाई दुई विभागीय टोली पुलिस र एपिएफसँगै बागमती प्रदेशले पछ्याइरहेको छ ।

सहभागी सबै ११ टोलीले स्वर्णको खाता खोलिसकेको छ । हालसम्म १३९ स्वर्ण १३९ रजत र १८६ कास्यपदक गरी कुल ४६४ पदकको छिनोफानो भइसकेको छ ।

आर्मीले ६१ स्वर्ण, ३९ रजत र २८ कास्यगरी कुल १२८ पदक जितेको छ । पुलिसले २३ स्वर्ण, १७ रजत र २५ कास्य गरी ६५ पदक जितेको छ । एपिएफले १६ स्वर्ण, २५ रजत र ३३ स्वर्ण गरी ७४ दिक जितेको छ । बागमतीले १४ स्वर्ण, २२ रजत र १२३ कास्यगरी ५९ पदक हात पारेको छ ।

गण्डकी १० स्वर्ण, ८ रजत र २० कास्यगरी ३८ पदक जितेर पाँचौ स्थानमा रहको छ । एनआरएनएले ६ स्वर्ण, ६ रजत र ४ कास्य गरी १६ पदक जितेको छ । एनआरएनएले सबै स्वर्ण पौडीबाट जितेको हो ।

प्रदेश १ ले ३ स्वर्ण, ८ रजत र २१ कास्यगरी ३२ पदक जितेको छ । मधेशले २ स्वर्ण, ३ रजत र ७ कास्यगरी १२ पदक जितेको छ । सुदूरले २ स्वर्ण, १ रजत, ११ कास्यगरी १४ पदक जितेको छ ।

लुम्विनीले १ स्वर्ण, ९ रजत र १२ कास्य गरी १२२पदक जितेको छ । कर्णाली १ स्वर्ण, १ रजत र २ कास्य गरी ४ पदक जितेको छ ।