पोखरा (हाम्रो खेलकुद) – बागमती प्रदेशले नवौं राष्ट्रिय खेलकुद अन्तरगत फेन्सिङमा तेश्रो दिन थप दुई स्वर्ण हात पारेको छ । यससँगै बागमती ४ स्वर्णसहित पदक तालिकामा अग्रस्थानमा रहेको छ ।

बुधबार पुरुष टिम फ्वईलतर्फ बागमतीले विभागीय त्रिभुवन आर्मी क्लबलाई ४५–३५ अंकले पराजित गर्दै स्वर्ण संख्यालाई तीनमा पु¥याएको हो । सुदूरपश्चिम र प्रदेश १ ले कास्य पदक प्राप्त गरे ।

यस्तै महिलाको सेवर टिम ईभेन्टस्मा पनि बागमतीले स्वर्ण हात पार्दै स्वर्ण संख्यालाई ४ पु¥याउँदै पदक तालिकामा आफुलाई अग्रस्थानमा पु¥याउन सफल भएको हो । बागमतीले आर्मीलाई ४५–३५ अंकले पराजित गर्दै स्वर्ण कब्जा गरेको हो । एपिएफ र प्रदेश १ ले कास्य पदक प्राप्त गरे ।

पोखरा रंगशालास्थित ब्याडमिन्टन कभर्डहलमा भएको प्रतियोगिताको महिला इपी तर्फको प्रतिस्पर्धामा आर्मीले स्वर्ण हात पारे । आर्मीले एपिएफलाई ४५–४० ले पराजित ग¥यो । प्रदेश १ र सुदूरपश्चिमले कास्य जिते ।

फेन्सिङमा बागमती प्रदेश ४ स्वर्ण, एक रजतसहित ५ पदक जित्दै शीर्षस्थानमा छ । आर्मी ३ स्वर्ण, ५ रजत र ६ कास्य सहित १४ पदकसहित दोस्रो स्थानमा छ । एपिएफ १ स्वर्ण, ३ रजत र ६ कास्यसहित १० पदक जितेर तेस्रो स्थानमा छ ।

सुदुरपश्चिम प्रदेश १ स्वर्ण २ कास्यगरी ३ पदक जितेको छ । प्रदेश १ ले ३ कास्य जितेको छ । गण्डकी प्रदेश १ कास्य जितेको छ । बिजयी खेलाडीहरुलाई युवा तथा खेलकुद मन्त्री महेश्वर जंग गहतराजलगायतले पुरस्कार वितरण गरेका थिए ।