माल्टामा पुरुष भलिबल हुने

काठमाडौं (हाम्रो खेलकुद) – पूर्वाञ्चल प्रवासी समाज माल्टाको आयोजनामा माल्टामा पुरुष भलिबल प्रतियोगिता तथा सांगितिक कार्यक्रम आयोजना हुने भएको छ ।

पूर्वाञ्चल प्रवासी समाज माल्टाले पहिलोपटक वडा दशैं, दिपावली र छठको अवसरमा पुरुष भलिबल प्रतियोगिता तथा सांगितिक कार्यक्रम २ अक्टोवर अर्थात वडादशैंको फुलपातीको दिन हुनेछ । एक दिने प्रतियोगिताको खेलहरु सेन्ट मर्टिन कलेज स्वाटरमा हुनेछ ।

प्रतियोगितामा सहभागिताको लागि १५० युरो र २८ सेप्टेम्वर सम्मको लागि दर्ता समय तोकिएको छ । हालसम्म १० टोलीको सहभागिता पक्का भइसकेको माल्टाबाट भलिबल रेफ्री खुम गाउँले मगरले जानकारी गराए । एक टोलीमा ९ खेलाडी, एक प्रशिक्षक र एक व्यवस्थापक हुनुपर्ने प्रावधान राखिएको छ ।

प्रतियोगिताको विजेताले १ हजार युरो, ट्रफी, मेडल र प्रमाणपत्र प्राप्त गर्नेछ । दोस्रो हुनेछ । ६ सय युरो र तेस्रो हुनेले ट्रफी, मेडल र प्रमाणपत्र प्राप्त गर्ने आयोजकले जनाएको छ । उत्कृष्ट खेलाडी, स्पाइकर, ब्लकर, सेटर र लिवेरोलाई उचित पुरस्कारको व्यवस्था रहेको छ ।