टेनिस खेलाडी सलोनी अमेरिका जाने

काठमाडौं (हाम्रो खेलकुद) – हालको नेपाल नम्वर एक महिला लन टेनिस खेलाडी सलोनी तामाङ उच्च शिक्षा अध्ययनका लागि अमेरिका जाने भएकी छिन् ।

सेन्ट जेभियर्सबाट १२ कक्षासम्मको अध्ययन पश्चात उनी उच्च शिक्षा अध्ययनको लागि संयुक्त राज्य अमेरिका जाने भएकी हुन् । उनले टेक्सास राज्यस्थित लमार विश्वविद्यालयमा पूर्ण छात्रवृत्ति पाएकी छिन् । उनी मंगलबार त्यसतर्फ प्रस्थान गर्नेछिन् ।

विभिन्न जुनियर प्रतियोगितामा च्याम्पियन बनेकी उनले पछिल्लो एक बर्षको दौरानमा विभिन्न उपाधि जितेकी छिन् । उनलाई विगत ७ वर्षदेखि प्रशिक्षण दिइरहेका उनका प्रशिक्षक राजकुमार लामाले उज्वल भविष्यको कामना सहित विदाई गरेका छन्

सलोनीले प्रथम गणेशमान सिंह राष्ट्रिय लन टेनिस प्रतियोगितामा महिला एकल र डबल्स, प्रधान सेनापति राष्ट्रिय लन टेनिस प्रतियोगितामा महिला एकल र डबल्स, १८औं माछापुच्छ्रे बैंक ओपन प्रतियोगिताको महिला एकल र डबल्स आठौं सिटिजन्स बैंक ओपन टेनिसमा महिला एकल र मिक्स डबल्समा उपाधि जितेका थिए ।

यस्तै उनले आइटीएफ वल्ड टेनिस टुरमा महिला एकल र डबल्स र आइटीएफ वल्ड टेनिस टुरमै महिला एकल र डबल्समा उपाधि जित्न सफल भएका थिए ।