काठमाडौं (हाम्रो खेलकुद) – नेपाली महिलाहरुको तिजको अवसरमा हुने लामाचौर कप राष्ट्रिय भलिबलका लागि गण्डकी प्रदेश भलिबल संघले महिला तथा पुरुष टिमको घोषणा गरेको छ ।

नव आदर्श विकास समाजको आयोजनामा भदौ १२ देखि १४ गतेसम्म आयोजना हुने प्रतियोगिताका लागि अरुणा शाही र हरि पाण्डेको कप्तानीमा महिला र पुरुष टोलीको घोषणा गरिएको गण्डकी प्रदेश भलिबल संघका महासचिव टहल सिंह थापाले जानकारी गराए ।

अरुणा कप्तान रहेको महिला टिममा रेविना घर्ती मगर, सस्मिता पुन, पवित्रा सिर्पाली, मनिषा तिलिजा, पुजा सेन ठकुरी, सारा पुर्जा, साइन थापा, एलिसा रोका मगर, तिर्शना बराल, हिमाली रोका र काजल छन्त्याल छनोट भएका छन् । रेखा राना, अर्पणा खाँण र एलिना गुरुङ वैकल्पिकमा रहेका छन् ।

महिलातर्फको छनोटमा म्याग्दीबाट ८, बागलुङबाट २, कास्कीबाट २, मुस्ताङबाट १, पर्वतबाट २, स्याङजाबाट ३ र तनहुँबाट २ जना गरी कुल २० जना खेलाडीको सहभागिता रहेको थियो ।

पुरुष टोलीमा हरि पाण्डे, घनश्याम चौधरी, सुजन चोखाल, हिमाल सुनारी मगर, अमृत दर्नाल, सञ्जय परियार, रवि केसी, प्रेम कुमाल, विवश आले मगर, याम क्षेत्री, सन्तोष थापा मगर र राजन दर्लामी मगर रहेका छन् ।

पुरुषतर्फ एनभिए क्लब च्याम्पियनसिपमा टोलीमा रहेका खेलाडीलाई निरन्तरता दिएको छ । स्वास्थ अवस्थाका कारण किरण गुरौ र जीवन सुनारको स्थानमा संजय परियार र अमृत दर्नालले मौका पाएका छन् । पुरुषतर्फको प्रशिक्षकमा रमेश केसी र टिम ब्यवस्थापकमा जीवन भण्डारी छन् ।

छनोट समितिका संयोजक एवम् संघका कार्यवाहक अध्यक्ष हरिकुमार श्रेष्ठ, प्राविधिक संयोजक नारायण बहादुर भण्डारी, प्रशिक्षक संयोजक रमेश केसी, महासचिव टहल सिंह थापा मगर र कोषाध्यक्ष जिवन भण्डारीको टोलीले खेलाडी छनोट गरेको हो ।