लमजुङ (हाम्रो खेलकुद) – आयोजक हिमालयन ब्रदर्श ग्रुपले लमजुङको सदरमुकाम बेसीशहरमा सञ्चालन उपाधि जितेको छ । प्याब्सन लमजुङलाई ४–० ले पराजित गर्दै उपाधि जित्न सफल भएको हो ।

व्यापार व्यवसाय प्रवद्र्धन गर्ने र आपसी सदभाव बढाउने उद्देश्यले कृष्णाष्टमीको अवसरमा हिमालयन ब्रदर्श ग्रुप र मनाङ मर्स्याङ्दी प्रालिले प्रतियोगिताको आयोजना गरेको हो ।

उपाधिसँगै हिमालयनले नगद १५ हजार र २५ हजार रुपैयाँको खसी, मेडल र प्रमाणपत्र प्राप्त गरेको छ । दोस्रो भएको प्याब्सन लमजुङको १० हजार र २० हजार रुपैयाँ बराबरको खसी, मेडल र प्रमाणपत्र प्रदान गरिएको उक्त प्रतियोगिता सञ्चालन समितिका अध्यक्ष प्रवीण वाग्लेले बताए ।

प्याब्सन लमजुङका विनोद गुरुङ सर्वाधिक गोलकर्ता बने । उनले खेल अवधिभर १५ गोल गर्न सफल भएका थिए ।आयोजकका सुनिल श्रेष्ठ उत्कृष्ट खेलाडी घोषित भए । आयोजक समितिका सुरेश श्रेष्ठ फाइलन खेलको म्यान अफ दि म्याच घोषित भएको रेफ्री इन्द्र रानाले बताए ।

उनीहरुले बजाज सोरुमबाट समान ५–५ हजार रुपैयाँ हात पारेका छन् । प्रतियोगितामा १४ टोलीले लिग कम नकआउटका आधारमा प्रतिस्पर्धा गरेका थिए ।