वाई पोन्टिङ र पशुपति इन्डोर क्रिकेटको फाइनलमा

इटहरी (हाम्रो खेलकुद) – वाई पोन्टिङ र पशुपति स्कुल सुनसरीमा जारी अन्तरविद्यालय इन्डोर क्रिकेट प्रतियोगिको फाइनलमा प्रवेश गरेका छन् ।

इटहरी क्रिकेट एकेडमीको आयोजनामा बुधबार भएको पहिलो सेमिफाइनलमा पशुपतिले लिटिल पिस हेभनलाई १ विकेटले पराजित गर्दै फाइन्लमा स्थान पक्का गरेको हो ।

दोस्रो सेमिफाइनलमा वाई पोन्टिङले ग्रिन पिसलाई २६ रनले पराजित गर्दै फाइनलमा पुशपतिसँगको भेट पक्का गरेको छ ।

यसअघि बुधबार नै लिग चरणको खेलहरुमा वाई प्वाइटिङले मकालु, पशुपतिले एसओएस, लर्ड बुद्धले सुनसरी कृष्टल, स्केयर हर्टले माउन्ट मकालु र एसओएसले लर्ड बुद्धलाई पराजित गरेको थियो । सोमवार देखी जारी प्रतियोगिताको फाइनल बिहीवार हुनेछ ।

प्रतियोगिताको विजेता टोलीले मेडल, ट्रफी र प्रमाण पत्र पाउने तथा उत्कृष्ट ३५ खेलाडीहरुले इटहरी क्रिकेट एकेडमीले सम्बन्धित विद्यालयसँगको समन्वयमा नियमित प्रशिक्षण पाउने छन्।