2 years ago
July 11, 2022
काठमाडौं (हाम्रो खेलकुद) – नेपाली राष्ट्रिय फुटसल टोलीका मुख्य प्रशिक्षक गौरव बस्नेतले फुटसल एकेडमी सञ्चालन गर्ने भएका छन् ।
भविष्यमा अब्बल फुटसल खेलाडी उत्पादन गर्ने लक्ष्य लिएको प्रशिक्षक बस्नेतले साउन ७ टिप्टो फुटसल एकेडमी सञ्चालनमा ल्याउन लागेका हुन् । उक्त एकेडमीमा यू–४ देखि यू–१५ वर्षसम्मका बालबालिकाको लागि प्रशिक्षण हुनेछ ।
‘हाल नेपालमा फुटसलमात्रै खेल्ने खेलाडीहरु निकै कम छ । फुटसल राष्ट्रिय टोलीमा प्रायः ‘ए’ डिभिजन क्लब या अन्य क्लबबाट व्यावसायिक फुटबल खेल्ने खेलाडीहरु छन् । हामीसँग फुटसल खेलाडीको धेरै विकल्प पनि छैन ।’ प्रशिक्षक बस्नेतले भने, फुटसलको विकास गर्न खेलाडी उत्पादन गर्न जरुरी छ । त्यसैले खेलाडी उत्पादनको निमित्त एकेडमी सञ्चालन गर्न लागेको हो ।’
चार सेसनमा हुने प्रशिक्षण हरेक शनिबार हुनेछ । प्रशिक्षण मध्यान्ह १२ बजेदेखि दिउँसो २ बजेसम्म हुनेछ । प्रारम्भिक प्रशिक्षण बालाजुस्थित मोनिस्ट्री फुटसलमा हुनेछ ।
तत्कालका लागि शनिवार मात्र प्रशिक्षण सञ्चालन गरिएको र पछि नियमित रुपमा प्रशिक्षण थालिने प्रशिक्षक बस्नेतले बताए । यो कार्यले निकट भविष्यमा देशको प्रतिनिधित्व गर्ने खेलाडीहरु उत्पादन हुनेमा विश्वस्त रहेको थपे ।
December 18, 2024
एजेन्सी – भारत र अस्ट्रेलियाबीचको बोर्डर गावास्कर ट्रफी अन्तर्गतको तेस्रो टेस्टमा बराबरीमा सकिएको छ । तेस्रो टेस्टमा अस्ट्रेलियाले जितका लागि दिएको २ सय ७५ रनको लक्ष्य पछ्याउने क्रममा पाँचौं तथा अन्तिम दिन बुधवारको खेल वर्षाका कारण हुन सम्भव भएन । पहिलो इनिङमा अस्ट्रेलियाले भारतविरुद्ध १ सय ८५ रनको अग्रता लिएको थियो । दोस्रो इनिङमा ८९ […]
December 13, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा शुक्रवारको दोस्रो खेलमा विराटनगर किंग्सले टस जितेको छ । टियु क्रिकेट मैदान कीर्तिपुरमा भएको टस जित्दै विराटनगरका कप्तान सन्दीप लामिछाने ब्याटिङ रोजेका हुन् ।
December 12, 2024
काठमाडौं(हाम्रो खेलकुद) – चितवन राइनोजले युएईका अलराउन्डर बासिल हमिदलाई बाँकी रहेको नेपाल प्रिमियर लिग(एनपिएल) को लागि टोलीमा भित्र्याएको छ । विदेशी खेलाडीका रुपमा चितवनले हमिदलाई टोलीमा भित्र्याएको बिहीवार जनाएको छ । हमिदले युएईको लागि निरन्तर प्रभाव पार्दै आएका छन् । उनले टी ट्वान्टीमा ७० खेल्दै ८ सय ५८ रन बनाउनुको साथै ३८ विकेट लिएका छन् […]
