राजीव र मनीतालाई स्वर्ण

काठमाडौं (हाम्रो खेलकुद) – राजीव महर्जन र मनीता सुनुवारले ओलम्पिक डेका अवसरमा आयोजित खुला टेबलटेनिस प्रतियोगितामा शनिबार स्वर्ण जितेका छन् ।

सिंगल्सको पुरुषमा राजीव र महिलामा मनीता पहिलो भएका हुन् । नेपाल ओलम्पिक कमिटीअन्तर्गत स्पोर्ट्स फर अल कमिसनको तत्वावधानमा गोड स्पिन टेबलटेनिस एकेडेमीद्वारा आयोजित प्रतियोगिताको पुरुषमा मुकेश महर्जन दोश्रो तथा प्रवीण शाक्य र निश्चल वज्राचार्य तेश्रो भए । महिलामा अंकिता वज्राचार्य दोश्रो तथा श्रेया आचार्य तेश्रो बने ।

भेट्रान सिंगल्सको पुरुष ४० वर्षमाथि राजीव महर्जन पहिलो, मुकेश महर्जन दोश्रो तथा किरणमुनि वज्राचार्य र निकेनमान प्रधान तेश्रो भए । भेट्रान सिंगल्सकै पुरुष ५० वर्षमाथि किरण ब्यञ्जनकारले स्वर्ण तथा रोशन शाक्यले रजत जितेको टेबलटेनिस प्रशिक्षक राजेन्द्र कपालीले जनाएका छन् ।