जोकोभिच विम्बल्डनको फाइनलमा

एजेन्सी – शीर्ष वरीयताका सर्वियन नोभाक जोकोभिच विम्बल्डन टेनिसको फाइनलमा प्रवेश गरेका छन् । जोकोभिचले घरेलु खेलाडी क्यामरोन नोरीमाथि ३–१ को सेटमा जित निकाल्दै आठौंपटक विम्बल्डनको फाइनलमा प्रवेश गरेका हुन् ।

सेन्टर कोर्टमा शुक्रबार राति भएको सेमिफाइनलको शुरुवाती सेट २–६ ले गुमाएको ६ पटकको विम्बल्डन च्याम्पियन जोकोभिचले त्यसपछि तीन सेट ६–३, ६–२ र ६–४ ले सहजै आफ्नो पक्षमा पार्दै कीर्तिमानी ३२औं पटक ग्रान्डस्लामको फाइनलमा प्रवेश गरेका हुन् ।

३५ वर्षीय जोकोभिचलाई अब २१औंपटक ग्रान्डस्लाम जित्ने सम्भावना छ । राफायल नाडालले कीर्तिमानी २२ पटक ग्रान्डस्लाम जितेका छन् । उनीभन्दा पछि जोकोभिच र रोजर फेडेररले समान २० पटक ग्रान्डस्लाम जितेका छन् ।

२० पटकको ग्रान्डस्लाम च्याम्पिन जोकोभिचले अब उपाधिको लागि आइतबार अष्ट्रियन निक किर्गियोससँग प्रतिस्पर्धा गर्नेछ । दोस्रो वरीयताका स्पेनिस टेनिस स्टार राफायल नाडालले पेटको चोटका कारण सेमिफाइनलबाट आफ्नो नाम फिर्ता लिएपछि किर्गियोस फाइनलमा पुग्न सफल भएको थियो ।