खुल्ला फुटसल प्रतियोगिता अर्काे महिना

काठमाडौं (हाम्रो खेलकुर्द) – बिग एजुकेसन कन्सल्टेन्सीको आयोजनमा अर्काे महिना खुल्ला फुटसल प्रतियोगिता आयोजना हुने भएको छ ।

आयोजकले विज्ञप्ति जारी गर्दै खुल्ला फुटसल प्रतियोगिता १४ साउनमा ललितपुरको इमाडोलस्थित यला फुटसल एण्ड रिक्रिएसन सेन्टरमा हुने जनाएको छ ।

खुल्ला प्रतियोगिता भएको कारण जुनसुकै टोलीले यस प्रतियोगिता खेल्न पाउनेछन् । प्रतियोगितामा सहभागिता जनाउन ४ हजार दर्ता शुल्क राखिएको छ ।

प्रतियोगिताको विजेताले ५० हजार नगदसहित ट्रफी, मेडल र प्रमाणपत्र प्रदान गरिनेछ । उपविजेता टिमले नगद ३० हजार नगदसहित ट्रफी, मेडल र प्रमाणपत्र प्रदान गरिने छ । व्यक्तिगत विधातर्फ उत्कृष्ट खेलाडी, उत्कृष्ट गोलरक्षक र सर्वाधिक गोलकर्ता खेलाडीलाई फुटसल बुट, मेडल र प्रमाणपत्र प्रदान गरिने आयोजकले जनाएको छ ।

मुख्य प्रायोजकमा बिग एजुकेसन कन्सल्टेन्सी रहेको छ । यस्तै इन एसोसियसन विथमा मो बो स्टेसन र हिमालयन जाभा रहेको छ । प्रतियोगिताको मेडिकल पार्टनरमा लियो अल्का क्लब रहेको छ ।