नाडाल विम्बल्डनको क्वाटरफाइनलमा

एजेन्सी – दोस्रो वरीयताका स्पेनिस टेनिस स्टार राफायल नाडाल विम्बल्डन टेनिसको क्वाटरफाइनलमा प्रवेश गरेका छन् ।

सेन्टर कोर्टमा सोमबार राति भएको प्रि–क्वाटरफाइनलमा नेदरल्यान्ड्सका बोटिक भान डीलाई ३–० को सोझो सेटमा पराजित गर्दै अन्तिम आठमा स्थान पक्का गरेका हुन् ।

पहिलो र दोस्रो सेटमा ६–४ र ६–२ को सहज जित निकालेको नाडालले तेस्रो सेटमा जितको लागि निकै संघर्ष गर्नुपर्दा ७–६(८–६) ले विजयी भयो ।

३६ वर्षीय नाडालले लगातार ११ पटक विम्बल्डनको क्वाटरफाइनलमा पुग्न सफ भए । ३६ वर्षीय नाडालको यो ३ सय नवौं ग्रान्डस्लाम जित हो । कीर्तिमानी २२औं पटकको ग्रान्डस्लाम विजेता नाडालले दुई पटक विम्बल्डनको उपाधि जितेका छन् । सर्वियन नोभाक जोकोभिच र स्वीस रोजर फेडेररले समान २० पटक ग्रान्ड स्लाम जितेका छन् ।

यस्तै अष्ट्रियाका निक किर्गियोसले ब्रान्डन नाकासिमालाई ३–२ को सेटमा जित निकाल्दै अन्तिम आठमा प्रवेश गर्न सफल भएका छन् । रोमाञ्चक प्रतिस्पर्धात्मक बनेको खेलमा किर्गियोसले ४–६, ६–३, ७–६ (७–२), ३–६ र ६–२ को सेटमा जित निकाल्न सफल भयो ।