जोकोभिच विम्वल्डनको क्वाटरफाइनलमा

एजेन्सी – डिफेन्डिङ च्याम्पियन सर्वियन नोभाक जोकोभिच विम्बल्डन टेनिसको क्वाटरफाइनलमा प्रवेश गरेका छन् । शीर्ष वरीयताका जोकोभिचले आइतबार राति डच वाइल्ड कार्ड टिम भानलाई ३–१ को सेटमा पराजित गर्दै आफ्नो सातौं उपाधिको सम्भावना कायम राखेका हुन् ।

अल इंग्ल्यान्ड क्लबमा लगातार चौथो उपाधिको अभियानमा रहेका जोकोभिचले ६–२, ४–६, ६–१ र ६–२ को सेटमा जित निकाल्न सफल भयो । वरीयताको १०४औं स्थानमा रहेका भानले दोस्रो सेट जितेर खेल रोमाञ्चक बनाएका थिए । तर, त्यसपछिको दुवै सेटमा जोकोभिचले उनलाई कुनै मौका नै प्रदान गरेनन् ।

विम्बल्डनमा उनको यो लगातार २५औं जितसँगै उनी एसडब्लु१९ मो खुला स्पर्धामा सबैभन्दा लामो अपराजित रहने सूचीमा चौथो स्थानमा रहेको पेट साम्प्रासको कीर्तिमानलाई बराबरी गरेका छन् ।

२० पटकको ग्रान्ड स्लाम विजेता ३५ वर्षीय जोकोभिचले अब क्वाटरफाइनलमा जानिक सिमरको सामना गर्नेछ । १०औं वरीयताका इटालीको सिनरले अर्को खेलमा स्पेनका युवा स्टार कार्लोस अल्काराजलाई ६–१, ६–४, ६–७ र ६–३ ले हराएर अन्तिम आठमा स्थान पक्का गरिसकेको छ ।