काठमाडौं (हाम्रो खेलकुद) – नेपाल ओलम्पियन्स एसोसिएसन (एनओए) र नोवेल मेडिकल कलेज टिचिङ अस्पताल प्रालिबीच खेलाडी तथा परिवारको उपचारको लागि सम्झौता भएको छ ।

सम्झौतामा संघको तर्फबाट अध्यक्ष दीपक विष्ट र अस्पतालको तर्फबाट प्रवन्ध निर्देशक ईन्दिरा शर्मा बरालले हस्ताक्षर गर्दै आदान–प्रदान गरे । यो सम्झौता आइतबारदेखि लागु भाई ५ वर्षसम्मको लागि हुनेछ ।

अस्पतालले आफ्नो सामाजिक उत्तरदायित्व अन्तरगत नेपालको प्रतिनिधित्व गर्दै अन्तर्राष्ट्रिय खेलकुद ओलम्पिकमा भाग लिएका खेलाडीहरु र उनीहरुको परिवारको सदस्यहरुको उपचारमा विशेष सुविधा दिने उद्देश्यले सम्झौता गरिएको जनाएको छ ।

सम्झौता अनुसार ओलम्पिकमा भाग लिएका नेपाली भरीका खेलाडीहरु विरामी भई उपचारका लागि अस्पताल आएको खण्डमा अस्पतालले क्याविनसहित निशुल्क उपलब्ध गराउनेछ ।

खेलाडीका परिवार (आमा, बुवा, श्रीमान् वा श्रीमती र छोराछोरी) को लागि उपचारमा ५० प्रतिशछ छुट दिनेछ । यसका लागि अस्पतालले छुटको कार्ड उपलब्ध गराउनेछ । जसमा खेलाडीको विवरण, फोटो, परिवारको सदस्यहरुको फोटो र विवरणमा ओलम्पियन्स संघले प्रमाणित गर्नुपर्नेछ ।