3 years ago
June 25, 2022
काठमाडौं (हाम्रो खेलकुद) – राष्ट्रिय टोलीको प्रशिक्षणमा रहेकी न्यु डायमन्ड स्पोर्ट्स क्लबकी सेटर प्रगति नाथ प्रथम चन्द्रागिरी न्यू डायमन्ड महिला भलिबल प्रतियोगितामा सर्वाेत्कृष्ट खेलाडी चुनिएकी छिन् ।
शनिबार सम्पन्न फाइनलमा न्यू डायमन्ड एकेडेमीलाई अपराजित रहेर च्याम्पियन बनाउन उनले टोलीको कप्तानी भुमिका सम्हालेकी थिइन् । सर्वाेत्कृष्ट बनेसँगै उनले उनले ३ हजार रुपैयाँसहित शिल्ड हात पारिन् ।
चन्द्रागिरी नगरपालिकास्थित न्यू डायमन्ड एकेडेमीको भलिबल कोर्टमा शनिबार भएको फाइनलमा डायमन्डले परोपकार आदर्श माध्यमिक विद्यालयमाथि २५–१५, २५–१२ र २१ को सोझो सेटमा जित निकाल्दै अपराजित रहेर उपाधि जित्न सफल भएको थियो ।
व्यक्तिगत विधामा न्यू डायमन्डकी सलिना बुढा मगर उत्कृष्ट स्पाइकर, डायमन्डकै निशा महरा उत्कृष्ट ब्लकर, परोपकारकी रोशनी कार्की उत्कृष्ट सेटर, परोपकारकै रुजिता दर्जी उत्कृष्ट सर्भर, न्यू डायमन्डकी एन्जिला प्रधान उत्कृष्ट लिवेरो र न्यू डायमन्डकै कुमार राई उत्कृष्ट प्रशिक्षक चुनिए । व्यक्तिगत विधाका सबै उत्कृष्टले समान १ हजार र शिल्ड हात पारे ।
उपाधिसँगै न्यू डायमन्डले ५० हजार रुपैयाँसहित शिल्ड, मेडल र प्रमाणपत्र प्राप्त गरेको छ । दोस्रो भएको परोपकारले २५ हजार र तेस्रो भएको ज्ञान सुधा एकेडेमीले १५ हजार रुपैया, शिल्ड, मेडल र प्रमाणपत्र प्राप्त गरेको छ । चौथो भएको ब्राइट होराइजनले १० हजार रुपैयाँ, शिल्ड र प्रमाण पत्र प्राप्त गरेको छ ।
। विजयी टोली तथा खेलाडीलाई चन्द्रागिरी नगरपालिकाका मेयर घनश्याम गिरी, उपमेयर बसन्ती श्रेष्ठ, चन्द्रागिरी नगरपालिकाका विभिन्न वडाका अध्यक्ष, न्यू डायमन्ड स्पोर्ट्स क्लबका अध्यक्ष सुनकेशरी माली लगायतले पुरस्कृत गरे । गत बुधबारदेखि राउन्ड रोविन लिगको आधारमा शुरु भएको प्रतियोगितामा चार विद्यालयको सहभागिता रहेको थियो ।
न्यू डायमन्ड स्पोर्ट्स क्लबको आयोजना तथा चन्द्रागिरी नगरपालिकाको मुख्य प्रायोजनमा भएको प्रतियोगितामा न्यू डायमन्डसहित परोपकार आदर्श मावि, ज्ञान सुधा एकेडेमी र ब्राइट होराइजन चिल्ड्रेन होम गरी चार टोलीको सहभागिता रहेको थियो ।
प्रतियोगिताको उत्कृष्ट
सर्वाेत्कृष्ट – प्रगतिनाथ (न्यू डायमन्ड)
स्पाइकर – सलिना बुढा मगर (न्यू डायमन्ड)
ब्लकर – निशा महरा (न्यू डायमन्ड)
सेटर – रोशनी कार्की (परोपकार)
सर्भर – रुजिता दर्जी (परोपकार)
लिवेरो – एन्जिला प्रधान (न्यू डायमन्ड)
प्रशिक्षक – कुमार राई (न्यू डायमन्ड)
March 4, 2025
काठमाडौं (हाम्रो खेलकुद)- सल्यान खड्गी राष्ट्रिय पुरुष फुटबल टोलीको सहायक प्रशिक्षक नियुक्त भएका छन्। ए डिभिजन टोली संकटा क्लबका पूर्व प्रशिक्षक रहेका खड्गीलाई अखिल नेपाल फुटबल संघ (एन्फा) का महासचिव किरण राईले मंगलवार नियुक्ती पत्र हस्तान्तरण गरेको एन्फाले सामजिक सन्जाल मार्फत जानकारी दिएको छ। एन्फाले चैत ८ गते सिंगापुरसँग हुने मैत्रीपूर्ण खेल र चैत १२ […]
March 1, 2025
काठमाडौं (हाम्रो खेलकुद)- नेपाल पुलिस क्लबले तेस्रो राष्ट्रिय डोरी तान प्रतियोगिताको पुरुष र महिला दुवै समूहको उपाधि जितेको छ । पुरुष ६४० केजी र महिला ५८० केजी तौल समूहमा गराइएको प्रतियोगिताको दुवै समूहको शनिवार भएको फाइनलमा पुलिसले त्रिभुवन आर्मी क्लबलसई पराजित गर्यो । फाइनलमा पुलिसले आर्मीलाई २-१ को सेटमा हराउँदै पुरुषतर्फको उपाधि जितेको हो । […]
February 28, 2025
काठमाडौं (हाम्रो खेलकुद)- प्रमुख दाबेदार निरज तामाङलाई एक स्ट्रोकले हराउँदै अनुभवी तोरण विक्रम शाही सूर्य नेपाल एनपिजिए टुर च्याम्पियनसिपको उपाधि जित्न सफल भएका छन्। घरेलु टुरमा तोरणले १२ वर्षपछि उपाधि जितेका हुन्। ५-अन्डर ६७ को स्कोरमा समग्रमा १८-अन्डर २७० सहित उनले निरजलाई रोमाञ्चक शैलीमा माथ दिए। यसअघि उनले सन् २०१३ मा यही च्याम्पियनसिप जितेका थिए। […]
