काठमाडौं (हाम्रो खेलकुद) – अखिल नेपाल टेबल टेनिस संघ र पूर्व राष्ट्रिय च्याम्पियन कल्याणराज पाण्डेबीच राष्ट्रिय टेबल टेनिस जुनियर च्याम्पियनसिप सम्झौता भएको छ ।

सम्झौतामा संघका अध्यक्ष चतुरानन्द राजवैद्य र राष्ट्रिय च्याम्पिय कल्याणराज पाण्डेले हस्ताक्षर गर्दै आदान–प्रदान गरे । यसै वर्षदेखि कल्याण पाण्डे राष्ट्रिय टेबल टेनिस जुनियर च्याम्पियनसिप सुरु हुनेछ । यो प्रत्येक वर्षको भदौमा आयोजना हुनेछ ।

यसका लागि कल्याण उनको परिवारले वार्षिक ६ लाख रुपैया प्रदान गर्नेछ । यसबाट प्रत्येक वर्ष आउने व्यार्षिक ७० हजार रुपैयाबाट प्रत्येक वर्ष यस प्रतियोगिताको आयोजना हुनेछ । प्रतियोगिताको पहिलो वर्ष ब्याज प्राप्त नहुने हुँदा उनको परिवारले ७० हजार रुपैया नगद प्रदान गर्नेछ ।

प्रतियोगिताको स्वरूप संघले नै निर्धारण गर्नेछ । खातामा कल्याणराज पाण्डे अथवा उनका छोरा कुशलराज पाण्डे तथा संघका अध्यक्ष अथवा कोषाध्यक्षको हस्ताक्षर प्रयोजन गरिनेछ । लगातार दुई वर्षसम्म प्रतियोगिता आयोजना नभएको खण्डमा रकम परिवारले नै फिर्ता लैजानेछ ।

यो सम्झौतापछि हुने प्रतियोगिताले नेपालमा टेबल टेनिसको विकासमा महत्वपूर्ण योगदान पुग्ने र यसले नेपाली खेलकुदमै नयाँ अनुकरणीय उदाहरण स्थापित हुन संघले विश्वास लिएको छ ।