काठमाडौं (हाम्रो खेलकुद) – नेपाल ट्राईयाथलन संघले ओलम्पिक डेका अवसरमा आयोजना गरेको दोश्रो मास्टर्स ट्राईयाथलनको ब्यक्तिगततर्फको उपाधि बिजेन श्रेष्ठले जितेका छन् ।

बिजेनको यो दोस्रो उपाधि हो । उनले यस अघि पनि यो उपाधि जितिसकेका छन् । बोडे, मध्यपुर ठिमीस्थित जयश्री सिद्धि गणेश पौडी पोखरीमा आयोजना भएको प्रतियोगितामा दोस्रो स्थानमा बिशाल केसी र तेस्रो स्थानमा अमग्य श्रेष्ठ रहे ।

ट्राईयाथलन संघसँगआवद्ध ब्यक्तिबीच आयोजना भएको प्रतियोगितामा १०० मि. पौडी, ३.५ किमि साईक्लिङ र १ किमि दौड रहेको थियो ।

रिलेतर्फ अभिनाष श्रेष्ठ, अभिषेक शाक्य र ईजेश श्रेष्ठको समूहले पहिलो स्थान हात पा¥यो । दोश्रो स्थानमा आनन्द लेप्चा, गाय रोगिज र राम कस्यपको समूह तथा तेश्रो स्थानमा निशान श्रेष्ठ, सम्युक प्रजापती र निशा श्रेष्ठको जोडी रहे ।

बिजयी खेलाडीहरुलाई प्रमुख अतिथी नेपाल प्रहरीका प्रहरी महानिरीक्षक एवं नेपाल ट्राईयाथन संघका उपाध्यक्ष धिरज प्रताप सिंहले मेडल तथा संघका अध्यक्ष निलेन्द्र राज श्रेष्ठले प्रमाण पत्र प्रदान गरेका थिए ।

सो अवसरमा नेपाल ट्राईयाथलन संघले आफ्नो उपाध्यक्षलाई नेपाल सरकारले हालै महानिरीक्षकमा पदोन्नती गरेकोमा सिंहलाई प्रशंसा पत्रले सम्मान गर्नुका साथै सफल कार्यकालको शुभकामना प्रदान गरेको थियो । प्रतियोगितामा करिव १०० जनाको सहभागिता रहेको थियो ।