काठमाडौं (हाम्रो खेलकुद) – नेपालकी सानिया चन्दले संयुक्त अरब इमिरेट्स (युएईं) दुवईमा सम्पन्न दुवईं स्कुल गेम्स अन्तरगत ब्याडमिन्टन च्याम्पियनसिपमा दोहोरो स्वर्णपदक जित्न सफल भएकी छिन् ।

सानियाले यू–१७ गल्स एकलमा तथा यू–१७ गल्स युगलमा स्वर्णपदक जित्न सफल भएकी हुन् । यू–१७ गल्स डबल्समा सानियाले तवैयासँग मिलेर उपाधि जितेकी हुन् ।

यू–१५ ब्वाइज एकलमा साहिल चन्द युएईंका यू–१९ च्याम्पियन भरथ लतेशसँग पराजित हुँदै दोस्रो भएका छन् । यू–१५ ब्वाइज डबल्समा भने साहिलले निसर्ग थुंगासँग मिलेर स्वर्णपदक जितेका छन् । सानिया र साहिलले यो च्याम्पियनसिपमा इन्डियन हाई स्कुलबाट प्रतिनिधित्व गरेका हुन् ।

महेन्द्रनगर कञ्चनपुरका दिदी भाई रोजगारीको शिलशिलामा दुवई रहेका अभिभावकसँग बसोवास गर्दै आइरहेका छन् । यि दिदी भाईले त्यहाँ अध्ययनसँगै ब्याडमिन्टन प्रशिक्षण गरिरहेका छन् । उनीहरुले दुवईमा हुने विभिन्न प्रतियोगिता खेल्दै उपाधि पनि जितिरहेका छन् ।

दुवईमा रहेको नेपाली ब्याडमिन्टन कम्युनिटीले पनि उनीहरुलाई सहयोग गर्दै आइरहेका छन् । त्यहाँ उनका काका हिम्मत चन्दले उनीहरुलाई प्रशिक्षण तथा व्यवस्थापन गरिरहेका छन् ।