काठमाडौं (हाम्रो खेलकुद) – नेपाल स्केटिङ तथा स्केटबोर्डिङ संघको आयोजनामा पाँचौ संस्करणको राष्ट्रिय स्केट बोर्ड प्रतियोगिता यसैसाता गण्डकी प्रदेशको पोखरामा आयोजना हुने भएको छ ।

आयोजक नेपाल स्केटिङ तथा स्केटबोर्डिङ संघले बुधबार राजधानीमा पत्रकार सम्मेलानको आयोजना गर्दै प्रतियोगिता ६ र ७ असारमा अन्नपूर्ण स्केटपार्क पोखरा रंगशाला, पोखरामा हुने जानकारी गराएको छ । कोभिड –१९ को विश्वव्यापी माहामारीपछि नेपालमा पाँचौ राष्ट्रिय स्केट र्बोड प्रतियोगिता आयोजना गर्न लागेको आयोजकले जनाएको छ ।

पोखरा रंगशाला भित्र रहेको अन्नपूर्ण स्केटपार्कमा हुने प्रतिगितामा १०० जना पुरुष र ३० जना महिला प्रतियोगीको सहभागिता रहने आयोजकले जनाएको छ । प्रतियोगिताको उद्घाटन गण्डकी प्रदेशका युवा तथा खेलकुद मन्त्री राजीव गुरुङ (दिपक मनाङ्गे) ले गर्ने तय भएको छ ।

सन् १९४० देखी अमेरिकाको क्यालिफोर्नियाबाट सुरु भएको स्केट तथा स्क्रेटबोर्डिङ खेल ओलम्पिकमा समावेश भएको खेल हो । हालै जापानमा सम्पन्न भएको ओलम्पिकामा जापानकी १८ वर्षीय साकुरा यसोजुमीले स्वर्ण पदक जितेकी थिइन् ।

नेपालमा भने सन् २०१५ देखी निरन्तर यस खेलको प्रतियोगिता भरहेको छ । हालसम्म काठमाडौं र पोखरामा समान दुई पटक यस खेलको प्रतियोगिताको आयोजना भइसकेको छ ।