काठमाडौं (हाम्रो खेलकुद) – सेल्टर आश्रय नेपालको आयोजनामा केन्द्रिय कारागारभित्र रहेका कैदीबन्दीबीच फुटबल सम्बन्धित कार्यक्रम बिहीबारबाट सुरु भएको छ ।

सेल्टरले ‘प्रिजन फुटबल, रिहाबीलिटेसन थ्रु फुटबल’ नामक कार्यक्रम बिहीबारबाट केन्द्रीय कारागारबाट औपचारिक रुपमा शुरु भएको हो ।

फुटबलको माध्यमबाट कैदीबन्दीको क्षमता अभिवृद्धि गर्ने उद्देश्य र समाजमा पुर्नस्थापनाको लागि सहयोग पु¥याउने हेतुसँगै खेल क्षेत्रमै रोजÞगारी सिर्जना गÞर्ने यस कार्यक्रमको लक्ष्य रहेको छ । कार्यक्रम अन्तर्गत ४८ कैदीबन्दीलाई फुटबल खेलाडीको प्रशिक्षण तथा समान ३२ जना प्रशिक्षक र रेफ्री प्रशिक्षण दिईनेछ ।

प्रशिक्षकमा संजीत सिंह, मनोज रंजित, रोजेन श्रेष्ठ, राजकुमार केसी रहेको सेल्टर आश्रयकी अध्यक्ष खुस्बु ओलीले जानकारी गराइन् । सेल्टरले एसियन फुटबल कन्फेडेरेसन (एएफसी) र अखिल नेपाल फुटबल संघ (एन्फा) सँगको सहकार्यमा कार्यक्रम गरेको हो ।

जेलभित्र रहेका कैदीबन्दीको मानसिक स्वास्थ्यमा सहयोग साथै उनीहरुमा आत्मविश्वास जगाउने उदेश्यले कार्यक्रम गर्न लागेको सेल्टर आश्रय नेपालका अध्यक्ष खुश्बु ओलीले जानकारी गराईन् ।

यो कार्यक्रम एक वर्षभित्र दुई चरणमा सञ्चालन हुनेछन् । पहिलो चरण जुनदेखि नोभेम्बर ३० सम्म सञ्चालन हुनेछ र यस चरणमा २४ खेलाडी तथा १६ प्रशिक्षक र रेफ्री उत्पादन गरिनेछ ।

प्रशिक्षकलाई डि लाईसेन्स, रेफ्रीलाई क्याटोगरी ४ एन्फा रेफ्री प्रमाण पत्र र खेलाडीलाई सहभागी प्रमाण पत्र प्रदान गरिनेछ । रेफ्रीमा भने महिला सेलमा रहेका मात्र छनोट गर्नेछौं । दोस्रो चरणको प्रशिक्षण कार्यक्रम भने डिसेम्बर १ देखि आगामी वर्षको मेमा अन्त्य हुनेछ ।