3 years ago
May 17, 2022
काठमाडौं (हाम्रो खेलकुद) – नेपाली महिला राष्ट्रिय भलिबल टोली तथा नेपाल पुलिस क्लबका स्पाइकरद्वय उषा भण्डारी र कामना विष्टले माल्दिभ्सको भलिबल लिग खेल्ने भएका छन् ।
घरेलु भलिबलमा विभागीय नेपाल पुलिस क्लबबाट व्यवसायिक खेल खेल्दै आएकी उषा र कामनाले पहिलोपटक विदेशी लिग खेल्न लागेकी हुन् । माल्दिभ्स भलिबल एसोसिएसन कप २०२२ मे १९ देखि ३१ मे सम्म माल्दिभ्सको मालेमा आयोजना हुँदैछ ।
उनीहरु मंगलबारै माल्दिभ्सको माले प्रस्थान गरिसकेका छिन् । राष्ट्रिय टोलीकी समेत महत्वपूर्ण सदस्य रहेकी उषाले माल्दिभ्स नेसनल डिफेन्स फोर्स (आर्मी) बाट तथा कामनाले माल्दिभ्स सर्भिस क्लब (पुलिस) बाट खेल्नेछिन् ।
उषा र कामनाकोको सबै व्यवस्थापन आ–आफ्नो क्लबले नै गर्नेछन् । उषा र कामनाले हवाई टिकट र लजिङ-फुडिङ बाहेक झन्डै ८ सय अमेरिकी डलर प्राप्त गर्नेछन् । नेपाल भलिबल संघका सदस्य तथा पुलिस क्लबका व्यवस्थापक डिएसपी भरत शाहका अनुसार दुव संघ र पुलिसबाट स्वीकृति लिएर खेल्न गएका हुन् ।
राष्ट्रिय टोलीकी पुर्व सदस्य तथा हाल नेपाल पुलिस क्लबकी सहायक प्रशिक्षक कोपिला उप्रेतीको समन्वयमा उषा र कामनाले माल्दिभ्सको लिग खेल्ने अवसर पाएका हुन् । कोपिलाले सन् २०१५ देखि २०१७ सम्म ७ पटक त्यहाँको लिग खेलिसकेकी छन् ।
नेपाली खेलाडीले माल्दिभ्सको लिग खेल्न पाउनु नेपाली खेलाडी र भलिबलका लागि खुशीको खबर रहेको उनले बताइन् । लिगको लागि अधिकांश टोलीमा नेपाली खेलाडीसँगै थाइल्यान्ड र श्रीलंकाका खेलाडीहरु रहेका छन् । केही टोलीले उज्वेकिस्तान र इरानका खेलाडीहरुलाई अनुबन्ध गर्ने प्रयास गरिरहेको छ । लिगमा १० टोलीको सहभागिता रहेको छ ।
यसअघि नेपालबाट माल्दिभ्सको उक्त लिगमा राष्ट्रिय टोलीकी पुर्व उपकप्तान मन्जु गुरुङ, कोपिला उप्रेताी, निमा श्रेष्ठ, राष्ट्रिय टोलीकी सदस्य प्रतिभा माली, सरस्वती चौधरी र अरुणा शाहीले खेलिसकेकी छिन् ।
March 1, 2025
काठमाडौं (हाम्रो खेलकुद)- नेपाल पुलिस क्लबले तेस्रो राष्ट्रिय डोरी तान प्रतियोगिताको पुरुष र महिला दुवै समूहको उपाधि जितेको छ । पुरुष ६४० केजी र महिला ५८० केजी तौल समूहमा गराइएको प्रतियोगिताको दुवै समूहको शनिवार भएको फाइनलमा पुलिसले त्रिभुवन आर्मी क्लबलसई पराजित गर्यो । फाइनलमा पुलिसले आर्मीलाई २-१ को सेटमा हराउँदै पुरुषतर्फको उपाधि जितेको हो । […]
February 28, 2025
काठमाडौं (हाम्रो खेलकुद)- प्रमुख दाबेदार निरज तामाङलाई एक स्ट्रोकले हराउँदै अनुभवी तोरण विक्रम शाही सूर्य नेपाल एनपिजिए टुर च्याम्पियनसिपको उपाधि जित्न सफल भएका छन्। घरेलु टुरमा तोरणले १२ वर्षपछि उपाधि जितेका हुन्। ५-अन्डर ६७ को स्कोरमा समग्रमा १८-अन्डर २७० सहित उनले निरजलाई रोमाञ्चक शैलीमा माथ दिए। यसअघि उनले सन् २०१३ मा यही च्याम्पियनसिप जितेका थिए। […]
February 23, 2025
काठमाडौं (हाम्रो खेलकुद) – तेस्रो संस्करणको माछापुच्छ्रे गाँउपालिका अध्यक्ष कप गण्डकी प्रदेश अन्तरपालिका स्तरीय पुरुष तथा खुल्ला महिला भलिबल प्रतियोगिता यसै सातादेखि हुने भएको छ । माछापुच्छ्रे गाँउपालिका खेलकुद बिकास समिति लाहाचोक कास्कीको आयोजनामा हुने प्रतियोगिता १४ देखि १७ फागुनसम्म माछापुच्छ्रे गाँउपालिका वडा नम्वर ७ धम्पुसमा हुनेछ । पुरुषतर्फ पालिका बाहिरका जुनसुकै तह र स्तरका […]
