काठमाडौं (हाम्रो खेलकुद) – नासिर याहया हुसैनले २४औं राष्ट्रिय खुला तथा उमेर समूह प्रतियोगितामा अर्काे कीर्तिमान बनाएका छन् ।

पहिलो दिन पुरुष २ सय मिटर फ्रिस्टायलमा नयाँ राष्ट्रिय कीर्तिमान बनाएका नासिरले शुक्रबार २ सय मिटर मिड्लेमा साय हम्जा शाहको नाममा रहेको कीर्तिमानलाई भंग गरेका हुन् ।

सातदोबाटोस्थित पौडी पोखरीमा नासिरले निर्धारित दुरी २ मिनेट १६.२४ सेकेन्डमा पुरा गरे । यसअघि साय हम्जा शाहले २०१९ मा सिंगापुर राष्ट्रिय च्याम्पियनसिपमा २ मिनेट २३.६९ सेकेन्डको कीर्तिमान राखेका थिए । संकर्ष रघुवंशी दोस्रो र बिकास कुमाल तेस्रो भए ।

२ सय मिटर मिड्ले महिलामा डुवाना लामा पहिलो भइन् । उनले निर्धारित दुरी २ मिनेट ३८.७४ सेकेन्डमा पुरा गरिन् । सायरा बजगाई दोस्रो तथा सस्तिका भण्डारी तेस्रो भइन् ।

पुरुष ५० मिटर बटरफ्लाइमा आरोन भण्डारी पहिलो, एभिभ प्रधान दोस्रो तथा अथर्व सिंह तेस्रो भए । पुरुष १ सय मिटर फ्रिस्टाइलमा अथर्व सिंह पहिलो, आरोन भण्डारी दोस्रो तथा एभिभ प्रधान तेस्रो भए । पुरुष १ सय मिटर ब्याकस्ट्रोकमा प्रराम्त भण्डारी पहिलो, जादेन श्रेष्ठ दोस्रो तथा रेभान्त श्रेष्ठ तेस्रो भए ।

पुरुष ५० मिटर ब्रेस्टस्ट्रोकमा आयुष लामा पहिलो, लिसन महर्जन दोस्रो तथा असिम भण्डारी तेस्रो भए । ५० मिटर फ्रिस्टाइलमा गौरव लामा पहिलो, लिसन महर्जन दोस्रो तथा असिम भण्डारी तेस्रो भए ।

१ सय मिटर ब्रेस्टस्ट्रोकमा अथर्व सिंह पहिलो आरोन भण्डारी दोस्रो, अजय सोरेन तेस्रो तथा एलाज रन्जित चौथो भए । ५० मिटर फ्रिस्टाइलमा अथर्व सिंह पहिलो, एभिभ प्रधान दोस्रो र आरोन भण्डारी तेस्रो भए ।

५० मिटर ब्रेस्टस्ट्रोकमा विकास कुमाल पहिलो, दिपांकर अवाले दोस्रो तथा सेरेन सिंह तेस्रो भए । पुरुष ५० मिटर ब्याकस्ट्रोकमा रेभान्त श्रेष्ठ पहिलो, प्रराम्त भण्डारी दोस्रो तथा युभन लाल श्रेष्ठ तेस्रो भए । पुरुष ५० मिटर बटरफ्लाइमा अनुभव सुब्बा पहिलो, रायन गुरुङ दोस्रो तथा एल्भिन महर्जन तेस्रो भए ।

पुरुष ५० मिटर फ्रिस्टाइलमा प्रराम्त भण्डारी पहिलो, सनिल कुमार थापा दोस्रो तथा रेभान्त श्रेष्ठ तेस्रो भए । पुरुष १ सय मिटरमा नासिर हुसैन पहिलो भए । पुरुष १ सय मिटर फ्रिस्टाइलमा संकर्ष रघुवंशी पहिलो, रायन गुरुङ दोस्रो र सेरेन सिंह तेस्रो भए ।

महिला ५० मिटर ब्याकस्ट्रोकमा आर्या महर्जन पहिलो, सस्तिका भण्डारी दोस्रो तथा राभ्य श्रेष्ठ तेस्रो भइन् । महिला ५० मिटर बटरफ्लाईमा रोशा न्यौपाने पहिलो, मेगन गुरुङ दोस्रो तथा युस्का महर्जन तेस्रो भइन् ।

महिला ५० मिटर फ्रिस्टाइलमा रोशा न्यौपाने पहिलो, सरासी खड्का दोस्रो तथा वैनभी श्रेष्ठ तेस्रो भइन् । महिला १ सय मिटर फ्रिस्टाइलमा डुवाना लामा पहिलो, अनुसिया तन्डुकार दोस्रो तथा रोयल प्रजापति तेस्रो भइन् ।

महिला ५० मिटर ब्रेस्टस्ट्रोकमा डुवाना लामा पहिलो, उपास्थी महर्जन दोस्रो तथा रोयल प्रजापति तेस्रो भइन् । महिला ५० मिटर फ्रिस्टाइलमा सस्तिका भण्डारी पहिलो, छारिया महर्जन दोस्रो तथा आयुक्ति थापा तेस्रो भइन् ।

महिला ५० मिटर फ्रि स्टाइलमा मेगन गुरुङ पहिलो, आर्य महर्जन दोस्रो तथा ओभिया श्रेष्ठ तेस्रो भइन् ।