default_image

2 years ago

April 30, 2022

बेंगलोरलाई हराउँदै गुजरात प्लेअफ नजिक

139 views

0 Bookmark

एजेन्सी – गुजरात टाइटन्सले इन्डियन प्रिमियर लिग (आइपिएल) २०२२ मा रोयल च्यालेन्जर्स बेंगलोरलाई ६ विकेटले हराउँदै प्लेअफ नजिक पुगेको छ । हार्दिक पान्ड्याको कप्तानीमा रहेको गुजरात सुरुवाती नौं मध्य आठ खेलमा जितका साथ शीर्षस्थानमा रहँदै प्लेअफ नजिक पुगेको हो ।


जितको लागि १ सय ७१ रनको विजयी लक्ष्य पछएको गुजरातले १९.३ ओभरमा ४ विकेट गुमाउँदै पूरा गर्यो । गुजरातको जितमा राहुल टेवाटिया २५ बलमा ५ चौका र २ छक्कासहित सर्वाधिक ४३ रनमा अविजित रहे । डेविड मिलर २४ बलमा ४ चौका र १ छक्कासहित ३९ रनमा अविजित रहे । पाँचौं विकेटका लागि मिलर र टेवाटियाले ७९ रनको अविजित साझेदारी गर्दै जित पक्का गराए ।

ओपनर ऋद्धिमान शाह २९, सुभमन गिल ३१, शाई सुदर्शन २० र कप्तान हार्दिक पान्ड्या ३ रनमा आउट भए । बेंगलोरका स्पिनर वानिन्दु हसरंगाले ४ ओभरमा २८ रन खर्चेर २ विकेट लिए । शहबाज अहमदले ३ ओभरमा २६ रन खर्चेर २ विकेट लिए ।

त्यसअघि ब्रेबोन स्टेडियम मुम्बईमा टस जितेर पहिला ब्याटिङ रोजेको बेंगलोरले निर्धारित २० ओभरमा ६ विकेट गुमाउँदै १ सय ७० रन बनाएको थियो । बेंगलोरका विराट कोहलीले ५३ बलमा ६ चौका र १ छक्कासहित सर्वाधिक ५८ रन बनाए । खराब लयबाट गुज्रिएका कोहलीले सुस्त शैलीमा अर्धशतक पूरा गरेका थिए ।

कोहलीको जारी सिजनमा पहिलो अर्धशतक हो । कोहलीको यसअघिको प्रदर्शन सम्झन लायक थिएन । कोहली सनराइजर्स हैदराबाद र लखनऊ सुपर जायन्ट्सविरुद्ध लगातार गोल्डेन डक हुन पुगेका थिए । कोहलीलाई मोहम्मद शामीले बोल्ड गरे ।

ओपनर फाफ डु प्लेसिस चार बल खेल्दै शून्यमा आउट भए । तर दोस्रो विकेटका कोहली र राजत पाटिदरले ९९ रनको साझेदारी गर्दै राम्रो योगफलको आधार तय गरेका थिए । पाटिदर ३२ बलमा ५ चौका र २ छक्कासहित ५२ रनमा क्याच आउट भए । उनलाई जारी आइपिएलमा पहिलो खेल खेलेका बायाँ हाते बलर प्रदीप संगवानले सुभमन गिलबाट क्याच गराए ।

तल्लोक्रमका ग्लेन म्याक्सवेलले १८ बलमा ३ चौका र २ छक्कासहित ३३ रन बनाए । महिपाल लोमरले ८ बलमा २ चौका र १ छक्कासहित १६ रन बनाए । गुजरातका प्रदीप संगवानले ४ ओभरमा १९ रन खर्चेर २ विकेट लिए । मोहम्मद शामीले ४ ओभरमा ३९ रन खर्चेर १ विकेट लिए ।

स्पिनर राशिद खानले ४ ओभरमा २९ रन खर्चेर १ विकेट लिए । लोकी फर्गुसन र अल्जारी जोशेफको नाममा १-१ विकेट रह्यो । बेंगलोरले अव बुधबार चेन्नई सुपर किंग्ससँग खेल्नेछ । गुजरातले मंगलबार पन्जाब किंग्ससँग खेल्नेछ ।

अंक तालिका

गुजरात ९ खेलमा ८ मा जित र १ मा हारका १६ अंक जोड्दै शीर्ष स्थानमा छ । राजस्थान रोयल्स ८ खेलमा ६ मा जित र २ मा हार सहित १२ अंकका साथ दोस्रो स्थानमा छ । लखनऊ ९ खेलमा ६ मा जित र ३ मा हार सहित तेस्रो स्थानमा छ । हैदराबाद ८ खेलमा ५ मा जित र ३ मा हार सहित १० अंकका साथ तेस्रो स्थानमा छ ।

बेंगलोर १० खेलमा ५ मा जित र ५ मा हार सहित १० अंकका साथ पाँचौं स्थानमा छ । दिल्ली ८ खेलमा ४ मा जित र ४ मा हार सहित छैटौं स्थानमा छ । पन्जाब ९ खेलमा ४ मा जित र ५ मा हार सहित सातौं स्थानमा छ । कोलकाता नाइट राइडर्स ९ खेलमा ३ मा जित र ६ खेलमा हार सहित आठौं स्थानमा छ । चेन्नई ८ खेलमा २ मा जित र ६ मा हार सहित नवौं स्थानमा छ । मुम्बई ८ खेलमा जित बिहीन हुँदै पुछारमा छ ।

September 29, 2024

टि ट्वान्टीमा पनि हारबाट नेपालको सुरुवात

काठमाडौं(हाम्रो खेलकुद) – नेपालले क्यानडामा लगातार चौथो बेहोरेको छ । क्यानडामा आजबाट सुरु भएको त्रिकोणात्मक टि ट्वान्टी सिरिजमा घरेलु टोलीले नेपाललाई १४ रनले हराएको छ । यसअघि नेपालले ओडिआई सिरिजमा क्यानडासँग २ तथा ओमानसँग १ खेलमा हारको सामना गरेको थियो।क्यानडाको किंग सिटीमा शनिवार १ सय २४ रनको लक्ष्य पछ्याएको नेपाल १९ ओभरमा १ सय ९ […]

September 28, 2024

क्यानडाले दियो नेपाललाई मध्यम लक्ष्य

काठमाडौं(हाम्रो खेलकुद) – क्यानडामा आज सुरु भएको त्रिकोणात्मक टि ट्वान्टी सिरिजमा घरेलु टोलीले नेपाललाई १ सय २४ रनको मध्यम लक्ष्य दिएको छ । क्यानडाको किंग सिटीमा टस हारेर ब्याटिङको निम्ता पाएको घरेलु टोलीले निर्धारित २० ओभरमा ८ विकेट गुमाएर १ सय २३ रनको योगफल बनायो । क्यानडाका लागि साद विन जाफरले १८ बलमा सर्वाधिक २३ […]

September 28, 2024

रिजनलाई डेब्युमा नै विकेट

काठमाडौं(हाम्रो खेलकुद) – तीव्र गतिका बलर रिजन ढकालले टि ट्वान्टी आई डेब्यु खेलमा नै विकेट लिएका छन् । क्यानडामा आजबाट सुरु त्रिकोणात्मक टि ट्वान्टी सिरिजमा घरेलु टोलीविरुद्ध खेलमा रिजनले डेब्यु गरेका थिए । रिजनले क्यानडाका ओपनर आरोन जोनसनलाई ९ बलमा ९ रन बनाउँदा आउट गराएका हुन् । रिजनले आफ्नो दोस्रो ओभरको पहिलो बलमा नै विकेट […]

Success

Thank you for your time.