काठमाडौं (हाम्रो खेलकुद) – सूर्य नेपाल गल्फ टुर २०२१–२२ अन्तरगतको सूर्य नेपाल च्यालेन्ज गल्फ प्रतियोगिता मंगलबारदेखि शुरु हुने भएको छ ।

नेपाल प्रोफेसनल गल्फ एसोसिएनको आयोजनामा हुने प्रतियोगिता १९ देखि २२ अप्रिलसम्म रोयल नेपाल गल्फ क्लबमा हुनेछ । प्रतियोगितामा बेलायनमा बस्दै आएका ७ नेपाली खेलाडीसहित ५६ जना गल्फरको सहभागिता रहने आयोजकले जनाएको छ । जसमा ३६ व्यवसायिक र २० एमयोचोर गल्फरको सहभागिता रहनेछ ।

बेलायन बस्ने नोपली खेलाडीमा महेन्द्र फगामी, विष्णु थापा, राजु तामाङ, गजेन्द्र गुरुङ, झमक लिम्बु, भक्त शेरचन र देव राना रहेका छन् ।नेपालबाट भुवन नगरकोटी, जयराम श्रेष्ठ, सन्जय लामा, रवि खड्का, राम थापा र एमेच्योर सुवास तामाङलाई उपाधिको मुख्य दावेदारको रुपमा हेरिएको छ ।

शुक्र बहादुर राई भारतमा व्यवसायिक गल्फ खेलिरहेका कारण यो प्रतियोगितामा उपलब्ध हुनेछैनन् । उनी बाकी दुई इभेन्ट्समा भने सहभागिताको अपेक्षा राखिएको छ ।

७२ होलमा खेलाइने खेलको विजेताले १ लाख रुपैया हात पार्नेछ । दोस्रो हुनेले ६५ हजार रुपैया र तेस्रो हुनेले ४६ हजार रुपैया हात पार्नेछ । शीर्ष २१ ले पनि नगद पुरस्कार प्राप्त गर्नेछ ।