पुनमलाई कास्य

काठमाडौं (हाम्रो खेलकुद) – थाइल्याण्डको फुकेटमा संचालन भई रहेको थाइल्यान्ड अन्तर्राष्ट्रिय खुला बक्सिङमा नेपाली महिला बक्सिङ खेलाडी पुनम रावलले महिला ६० केजी तौल समूहमा काँस्य पदक जित्न सफल भएकी छन् ।

वाई पाएर सोझै सेमिफाइनल खेलेकी पुनमले फिलिपिन्सकी रिजा पासइटसँग ३–२ को अत्यन्तै प्रतिस्पर्धात्मक खेलमा हार ब्यहोरीन् । फाइनलमा रिजाले भारतका खेलाडीलाई पराजित गरी स्वर्ण जितिन् ।

त्यस्तै अघिल्लो दिन भएको खेलमा नेपालकी मिनु गुरुङ ५१ केजी तौल समुहमा थाइल्याण्डका मुक्केवाज जुटामास जितपोङसँग ४–१ को स्पिलत डिसिजनमा हार व्यहोरी पदकबाट बन्चित भइन् ।

यसअघि नेपालका एक मात्र पुरुख खेलाडी ६३ केजीमा भुपेन्द्र थापा मियतनामसँग, महिला ५७ केजीमा इटालीका २०२० ओलम्पीक पदक विजेतासँग नेपालकी चन्द्रकला थापा र ४८ केजी तौल समूहमा सुस्मा तामाङ ईटालीकै खेलाडी सँग ३–२ को स्पिलत डिसिजनमा हारेकी थिइन् ।

सन् २०१० मा दिपक महर्जनले जितेको काँस्य पछि नेपालले थाइल्याण्ड ओपन बक्सिङ प्रतियोगीतामा पदक जित्न सफल भएको हो ।