2 years ago
April 1, 2022
काठमाडौं (हाम्रो खेलकुद) – पहिलो प्रधानसेनापति अन्तर्राष्ट्रिय हाई अल्टिच्यूड ट्राई एडभेन्चर कम्पिटिसन जेठ पहिलो साता आयोजना हुने भएको छ ।
आयोजक नेपाली सेनाले शुक्रबार राजधानीमा पत्रकार सम्मेलनको आयोजना गर्दै प्रतियोगिता जेठ ७ गते मुस्ताङको जोमसोममा हुने जानकारी गराएको छ ।
साहसिक खेलकुद अन्तर्गत क्लाईम्बिङ, दौड र साइक्लिङ समावेश ट्राई एडभेन्चरमा १५ नेपाली टोली र १० विदेशी राष्ट्रलाई आमन्त्रण गरिएको नेपाली सेनाका सेनानी तथा रेस डाइरेक्टर राजिब चन्दले जानकारी गराए ।
विदेशी टोलीको सहभागिताको लागि उनीहरुलाई आमन्त्रण गरिसकेको र २५ बैशाखसम्म कम्पिटिसनमा सहभागित जनाउने टोलीको छिनोफानो हुने बताए । विदेशी टोली पनि त्यहाँको मिलिटरी नै रहने सेनाले जानकारी गराएको छ ।
नेपालबाट सहभागी १५ टिमले छनोट प्रक्रियाको मापदण्ड पुरा हुनुपर्ने सेनाले जनाएको छ । रेस डाइरेक्टर चन्दले यसपटक महिला टिमको उलेख्य सहभागिताको आशा राखिएको बताए । एक टोलीमा दुई खेलाडी समावेश हुने प्रतियोगितामा सहभागी सबै टिमका खेलाडीले १ सय मिटरको क्लाईम्बिङ, ४.७५ किमीको दौड र १५.३५ किमी साइक्लिङ गरि कुल २०.२ किमीको दुरी पूरा गर्नु पर्नेछ ।
२ हजार ७ सय ८० फिटदेखि ३२ सयको उचाईमा आयोजना हुने प्रतियोगिताको पुरुषतर्फको विजेताले ३ लाख प्राप्त गर्नेछन् । यस्तै दोस्रोले २ लाख र तेस्रोले १ लाख प्राप्त गर्ने सेनाले जनाएको छ । महिलाको विजेताले १ लाख, उपविजेताले ७५ हजार र तेस्रोले ५० हजार प्राप्त गर्ने छन् । सहभागी सबै टोलीलाई प्रमाणपत्र प्रदान गरिने छ ।
प्रतियोगिताका लागि शनिबारदेखि दर्ता प्रक्रिया खुला हुने सेनाले जनाएको छ । लगनखेलस्थित सैनिक शारीरिक तालिम तथा खेलकुद केन्द्रमा बैशाख २० गतेसम्म नाम दर्ता गर्न सकिनेछ ।
नेपाली सेनाले हरेक वर्ष एड्भेन्जर स्पोर्ट्सको दुई ठुला प्रतियोगिता गर्दै आईरहेको छ । सेनाले यस अघि दुईपटक राष्ट्रिय स्तरको प्रधानसेनापति हाई अल्टिच्यूड ट्राई एडभेन्चर आयोजना गरिसकेको छ । महासेनानी तथा सैनिक शारीरिक तथा तालिम केन्द्रका मुनाल बस्नेतको प्रतियोगिता आयोजनाको लागि आवश्यक बजेट नेपाली सेना व्यहोर्ने र प्रायोजकबाट उठाईने बताए । पत्रकार सम्मेलनमा प्रमुख सेनानी उज्वल केसीको पनि उपस्थिति रहेको थियो ।
July 7, 2024
एजेन्सी – पाँच टि-२० खेलका लागि जिम्बाब्वे पुगेको भारतीय क्रिकेट टोलीले दोस्रो खेलमा जित हात पारेको छ । हरारेमा भएको खेलमा भारतले घरेलु टोलीमाथि १०० रनको जित हात पर्दै शृंखलामा बराबरी गरेको हो । भारतले दिएको २३५ रनको लक्ष्य पछ्याएको जिम्बाब्वे १८.२ ओभरमा १३४ रनमा समेटियो । घरेलु टोलीका लागि वेस्ली मधुभेरेले ३९ बलमा सर्वाधिक […]
July 6, 2024
काठमाडौं (हाम्रो खेलकुद) – एसिसि महिला एशिया कप २०२४ का लागि नेपाली राष्ट्रिय महिला क्रिकेट टोलीको बिदाई भएको छ । नेपाल क्रिकेट संघ (क्यान) ले काठमाडौंमा एक कार्यक्रम आयोजना गर्दै टोलीको बिदाई गरेको हो । कार्यक्रममा क्यानका सचिव पारस खड्का सहित अतिथिका रूपमा राष्ट्रिय खेलकुद परिषद (राखेप)का सदस्य सचिव टंकलाल घिसिङको सहभागिता रहेको थियो । […]
July 4, 2024
काठमाडौं (हाम्रो खेलकुद) – नेपाली राष्ट्रिय महिला भलिबल टोलीले रसियन खेलाडी सम्मिलित टोलीसँग घरेलु भुमिमा दुई मैत्रीपूर्ण खेल खेल्ने भएको छ । नेपाल र रसियन टोलीबीचको दुई मैत्रीपूर्ण खेल आगामी साउन ६ र ७ गते (जुलाई २१ र २२) त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा हुने नेपाल भलिबल संघले जनाएको छ । नेपालस्थित रसियन […]