काठमाडौं (हाम्रो खेलकुद) – पुर्व च्याम्पियन तथा नेपाल नम्बर एक टेबलटेनिस खेलाडी दीप साउनले अमेरिकामा प्रशिक्षण दिने भएका छन् । दीपले क्यालिफोर्नियास्थित टेबलटेनिस अमेरिका क्लबमा स्टेल लेभल प्रशिक्षकको रुपमा प्रशिक्षण दिने भएका हुन् ।

उनले आइतबार क्लबसँग दुई वर्षको सम्झौता गरेका छन् । टेबलटेनिस अमेरिकाका प्रमुख कार्यकारी अधिकृत हाइलोङ सेन र दीपले सो सम्बन्धी सम्झौता पत्रमा हस्ताक्षर गरे । उनको सम्झौता ११ अप्रिलबाट लागु हुनेछ । प्रशिक्षण भने १५ अप्रिलबाट शुुरु हुने बताइएको छ । त्यसका लागि उनले अमेरिका जाने तयारी गरिरहेका छन् ।

‘मलाई व्यक्तिगत रुपमा प्रशिक्षणका लागि प्रस्ताव आएको थियो । त्यसलाई मैले स्वीकार गरेको हँु । राम्रै रकमको प्रस्ताव छ । यो हाम्रो लागि राम्रै हो ।’ दीपले भने । दीपको टेबलटेनिस अमेरिका क्लबसँगको आबद्धतासँगै नेपालका अन्य खेलाडीका लागि पनि बाटो खुलेको बताए ।

दीपले सन् २०१८ देखि २०२१ सम्म फ्रिमोन्ट टेवलटेनिस एकेडेमीमा प्रशिक्षण दिएका थिए । उनी नौ महिनाअघि मात्र नेपाल फर्किएका थिए । नेपाल आएपछि उनले गत पुसमा भएको नेपाल एपिएम खुला टेवलटेनिस प्रतियोगिताको च्याम्पियन बनेका थिए । पुसमै दाङमा भएको खुम बहादुर खड्का स्कृति कप राष्ट्रिय टेवलटेनिस प्रतियोगितामा भने तेस्रो भएका थिए । उन ि२०६८ र २०७० को राष्ट्रिय च्याम्पियनसमेत हुन् ।