विराटनगर (हाम्रो खेलकुद) – गण्डकी, लुम्बिनी र सुदूरपश्चिम प्रदेश विराटनगरमा जारी शिखर पुरुष गिरिजाप्रसाद कोइराला स्मृति तेस्रो राष्ट्रिय पुरुष हक्की प्रतियोगितामा बिहबिार विजयी भएका छन् ।

पहिलो खेलमा गण्डकी प्रदेशले बाग्मतती प्रदेशलाई ८–० ले पराजित गरेको छ । गण्डकीका आशिष ठकुरीले ३ गोल, सोनु लामा र पिताम्बर थापाले समान २ गोल र रोहन लामाले १ गोल गरे । गण्डकीका आशिष ठकुरी खेलको म्यान अफ दी म्याच चुनिए ।

दोस्रो खेलमा सुदूरपश्चिम प्रदेशले प्रदेश १ लाई ३–१ ले पराजित गर्यो । सुदूरपश्चिमका दीपकराज जोशी, आयुष साह र भीम भट्टले समान १ गोल गरे । सुदूरपश्चिम प्रदेशका आयुष साह खेलको म्यान अफ दी म्याच घोषित भए ।

त्यसैगरी तेस्रो खेलमा लुम्बिनी प्रदेशले मधेस प्रदेशलाई ७–१ गोल अन्तरमा पराजित गरेको छ । लुम्बिनीका लागि अद्नान अन्सार र सागर आचार्यले समान २ गोल तथा सुरजकुमार घर्ती र इम्तिहाज अन्सारीले समान १ गोल गरे । मधेस प्रदेशका लागि एक मात्र सान्तवना गोल आकाश साहाकानुले गरे । लुम्बिनीका अद्नान अन्सारी म्यान अफ दी म्याच भए ।

नेपाल हक्की संघको आयोजनामा भएको प्रतियोगिताको अंक तालिका अनुसार शुक्रबारको पहिलो सेमिफाइनल खेल सुदूरपश्चिम प्रदेश र गण्डकी प्रदेश तथा दोस्रो सेमिफाइनल खेल त्रिभुवन आर्मी क्लब र लुम्बिनी प्रदेशबीच हुने खेल संयोजक रञ्जन थापाले जानकारी दिए ।

चैत १२ गतेसम्म हुने प्रतियोगितामा विभागीय टोली आर्मीसाथै प्रदेश १, मधेस प्रदेश, बाग्मती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशको सहभागिता रहेको छ । प्रगियोगिताको विजेताले ५० हजार, दोस्रो टोलीले ३५ हजार र तेस्रो हुने टोलीले १५ हजार रुपैयाँ प्राप्त गर्नेछ ।