काठमाडौं (हाम्रो खेलकुद) – बागमती प्रदेश खेलकुदअन्तर्गत बक्सिङ प्रतियोगिताको बुधबार शुरु भएको पुरुष ६० किलो तौल समुहमा ललितपुरका निशान दासले सिन्धुलीका गर्ज बहादुर सुनारलाई एबिडीको आधारमा पराजित गरेका छन् ।

सोहि तौल समुहमा मकवानपुरका अनिश पुलामीले काभ्रेका भक्तबहादुर क्रिग्रिंन मगरलाई पराजित गरे । ६० किलो तौलसमुहमै रामेछापका सुरेशकुमार भण्डारीले दोलखाका अनिस घिसिंगलाई पराजित गरे ।

प्रतियोगिताको नेपाल ओलम्पिक कमिटिका सह महासचिव पिताम्बर तिम्सिनाले गरे । उदघाटन कार्यक्रममा बोल्दै तिमिल्सिनाले बागमती प्रदेश खेलकुद परिषदले नमुना प्रदेशको रुपमा कार्य गदै आएकोमा बधाई ज्ञापन गर्दै खेलाडीहरुलाई सफलताको शुभकामना व्यक्त गरे । नेपाल बक्सिङ संघका अध्यक्ष राम अवालेले सम्पुर्ण खेलाडीहरुलाई अनुशासित रुपमा खेल खेल्न र रेफ्री जजहरुलाई निश्पक्ष रुपमा खेल खेलाउन आग्रह गर्दै सम्पुर्ण अभिभावकहरुलाई आफ्ना छोरा छोरीहरुलाई खेलमा लगाउन आग्रह गरे ।

प्रदेश सदस्य सचिव सूर्यलाल भण्डारीले आफु खेलाडी भएको समयमा भन्दा अहिलेको समयमा खेलाडीहरु सुरक्षित भएको र प्रदेश खेलकुद परिषद्ले खेलाडीहरुको खेलको समयमा मृत्यु भएमा ३० लाखसम्मको जीवन विमा गरिएको खेलाडीहरुको पक्षमा महत्वपुर्ण कार्य गर्न प्रदेश सक्षम रहेको जिकिर गरे ।

यो सफलताको पछाडी बागमती प्रदेश खेलकुदमन्त्री ढकालको महत्वपूर्ण योगदान रहेको जानकारी गराए । प्रतियोगितामा १३ जिल्लाका ८६ पुरुष र २८ महिला खेलाडीहरुको सहभागिता रहेको छ ।

सिन्धुली र मकवानपुर क्वाटरफाइनलमा
सिन्धुली र मकवानपुर प्रथम बागमती प्रदेश खेलकुदअन्तर्गत महिला फुटबल बुधबार क्वाटरफाइनलमा प्रवेश गरेका छन् । धुलिखेलमा भएको खेलमा सिन्धुलीले सिन्धुपाल्चोकलाई २–१ गोलले पराजित ग¥यो ।

विजयी टिमका लागि दुवै गोल सिजन क्याप्छाकीले गरिन् । सिन्धुपाल्चोककी कप्तान रुबिना पहरीले सान्त्वना गोल गरिन् । मकवानपुरले रामेछापलाई ५–० गोलअन्तरले सहजै हरायो । सम्जिता बोम्जन र कप्तान पूजा लामाले समान २ गोल गरे । लक्ष्मी गोलेले १ गोल थपिन् ।

कराते
खेलकुदअन्तर्गत करातेमा काठमाडौं टिम च्याम्पियन बनेको छ । काठमाडौंले ७ स्वर्ण, १ रजत र २ कांस्य जित्यो । दोश्रो भएको रामेछापले २ स्वर्ण, ४ रजत र ३ कांस्य हासिल ग¥यो । २ स्वर्ण र २ रजतमा नुवाकोटले तेश्रो स्थानमा चित्त बुझायो । सत्र स्वर्णका लागि भएको प्रतिस्पर्धामा काभ्रेले २ तथा चितवन, मकवानपुर, धादिङ र ललितपुरले १–१ स्वर्ण हात पारेको प्राविधिक संयोजक विसन मोतेले जनाएका छन् ।