धनगढी (हाम्रो खेलकुद) – उपाधि दावेदार विभागीय टोलीद्धय त्रिभुवन आर्मी क्लब र नेपाल पुलिस क्लब कैलालीको धनगढीमा जारी मुख्यमन्त्री कप राष्ट्रिय पुरुष भलिबल प्रतियोगिताको सेमिफाइनलमा पुगेका छन् ।

बुधबार भएका क्वाटरफाइनलका खेलमा जित निकाल्दै दुबै विभागिय टोली अन्तिम चारमा पुगेका हुन् । आर्मीले प्रदेश नम्बर १ लाई ३–० को सोझो सेटले पराजित ग¥यो । एकपक्षीय खेलमा आर्मीले प्रदेश १ माथि २५–१७, २५–२१ र २५–९ को सेटमा जित निकाल्यो । आर्मीका दुर्गा बहादुर खड्का प्लेयर अफ दि म्याच घोषित भए ।

अर्काे खेलमा नेपाल पुलिस क्लबले कर्णाली प्रदेशलाई ३–० को सोझो सेटले पराजित ग¥यो । पुलिसले २५–८, २५–९ र २५–१५ को सेटले पराजित गरेको हो । पुलिसका हिम राना प्लेयर अफ दि म्याच भए ।

यसअघि बुधबार बिहान भएको खेलमा घरेलु टोली सुदूरपश्चिम प्रदेशले बागमती प्रदेशलाई पराजित गर्दै समूह विजेता भएर क्वाटरफाइनलमा पुगेको छ । सुदूरपश्चिमले बागमती प्रदेशलाई ३–१ को सेटले पराजित ग¥यो ।

पहिलो र दोस्रो सेट २५–१६ र २५–२३ ले जितेको सुदूरपश्चिमले तेस्रो सेट भने १६–२५ ले गुमाएको थियो । चौथो सेट २५–२२ ले जित्दै सुदूरपश्चिम समूह विजेता भएर क्वाटरफाइनलमा पुगेको हो । दूरपश्चिमका सन्तोष महता प्लेयर अफ दि म्याच भए । बागमती पनि समूह उपविजेता बन्दै अन्तिम ८ मा पुगेको छ।

बिहीबार सुदूरपश्चिमले एपीएफ र बागमतीले गण्डकी प्रदेशँंग सेमिफाइनल प्रवेशका लागि खेल्नेछ । १२ गतेसम्म सञ्चालन हुने प्रतियोगिताको विजेताले नगद ४ लाख, उपविजेताले २ लाख, तेस्रो हुने टोलीले एक लाख र चौथो स्थान प्राप्त गर्ने टिमले ५० हजार नगदसहित ट्रफी र मेडल प्राप्त गर्नेछन् ।

प्रतियोगिताको सर्वोत्कृष्ट खेलाडीलाई नगद २० हजार तथा उदयमान खेलाडी, उत्कृष्ट लिफ्टर, उत्कृष्ट स्पाइकर, उत्कृष्ट ब्लकर, उत्कृष्ट डिफेन्सर, उत्कृष्ट सर्वर र उत्कृष्ट प्रशिक्षकलाई जनही १० हजारसहित पुरस्कृत गरिने छ । प्रत्येक खेलका म्यान अफ द म्याचलाई नगद एक हजार पाँच सय नगदसहित पुरस्कृत गरिनेछ ।