काठमाडौं (हाम्रो खेलकुद) – नेपाली क्रिकेट टोलीका मध्यक्रमका ब्याटर दीपेन्द्रसिंह ऐरी आइसिसी विश्वकप लिग–२ मा पपुवा न्युगिनीविरुद्ध डक आउट भएका छन् ।

१ सय ७४ रनको विजयी लक्ष्य पछ्याएको नेपालले २३ ओभरमा ३ विकेट गुमाउँदै १ सय ७ रन बनाएको छ । नेपालका ओपनर कुशल भुर्तेल ६४ बलमा ४ चौका र १ छक्कासहित ५० रनमामा आउट भए । कुशलको यो ओडिआई करिअरको दोस्रो अर्धशतक हो । तेस्रो नम्बरका ब्याटर आरिफ शेख ३८ रनमा अविजित छन् । उनलाई रोहित कुमार पौडेलले ५ साथ दिएका छन् । ज्ञानेन्द्र मल्ललाई बेन्चमा राखेपछि आरिफलाई तेस्रो नम्बरमा ब्याटिङ गराएको हो ।
ओपनर आसिफ शेख २ रनमै आउट भए । चौथो ओभरको पहिलो बलमा आसिफलाई कावुआ मोरेआले बोल्ड आउट गरे । आसिफ आउट हुँदा नेपालले १० रन मात्र जोडेको थियो । त्यसपछि आरिफ र कुशलले दोस्रो विकेटका लागि ८७ रनको साझेदारीका साथ सहज जिततर्फ अघि बढाए ।
कुशल २२ औं ओभरको दोस्रो बलमा चाल्र्स अमिनीको बलमा स्टम्पिङ आउट भए । त्यसको एक बलपछि दीपेन्द्र चाद सोपरबाट शून्यमा आउट भए । दीपेन्द्र युएईसँगको दोस्रो खेलमा गोल्डेन डक आउट भएका थिए । दीपेन्द्र लगातार डक आउट भएका हुन् ।