काठमाडौं (हाम्रो खेलकुद) – महिला फुटसल लिग (एमपिएल) सिजन चारमा ढुकु फुटसल हव, मेगा पावर र विप्ले कुमारीले दोहोरो जित दर्ता गरेका छन् ।

ढुकु फुटसलमा भएको खेलमा ढुकुले बार्सा नेपाललाई ६–१ ले तथा क्रिजल एफसीलाई ४–० ले हरायो । लगातार चौथो जितसँगै ढुकुको १२ अंक पुगेको छ । अर्काे खेलमा मेगा पावरले दि मिग्निटी महिलाजलाई २–१ ले तथा मेगा पावरले स्टुडेन्ट एफसीलाई ८–२ ले फराकिलो अन्तरले हरायो ।

यस्तै विप्ले कुमारीले स्टुडेन्ट्स एफसीलाई ६–४ ले तथा विप्ले कुमारीले दि मिग्निटी महिलाजलाई ३–१ ले हराउँदै दोहोरो जित निकाल्न सफल भयो । क्रिजलले क्रिजलले फुटसल ५ लाई ६–१ ले हराएको छ । फुटसल ५ ले बार्सा नेपाललाई ३–१ ले हरायो ।

चौथो राउन्डको खेलपछि ढुकु १२ अंक जोडेर शीर्षस्थानमा रहँदा मेगा पावर १० अंक जोडेर दोस्रोमा रहेको छ । क्रिजल एफसी ९ अंक जोडेर तेस्रो, विप्ले कुमारी र फुटसल ५ को समान ८ अंक छ । स्टुडेन्ट एफसी र बार्सा नेपालको समान ६ अंक छ । उक बराबरी खेलेको दि मिग्निटी महिलाजको ४ खेलबाट ५ अंक छ ।

एमपिएल दि वि युनाइटेड प्रोजेक्टद्धारा सञ्चालित नेपालको पहिलो महिला फुटसल लिग हो । यो पूर्णरुपमा महिलाहरुद्धारा सञ्चालित लिग हो । जहाँ महिलाले खेल्ने र महिलाले खेलाइने छ । यहाँ ८० भन्दा बढी महिला रहेका छन् ।

एमपिएलमा ८ टोलीको सहभागिता रहेको छ । लिगका खेल हरेक शनिबार ९ अप्रिलसम्म खेलाइनेछ । ८ टोलीले ६ साताको अवधिमा एक अर्कासँग खेल्नेछ । प्रत्येक जित, बराबरी र हारमा टोलीलाई अंक प्रदान गरिनेछ । बढी अंक बटुल्ने शीर्ष तीन टोलीलाई विभिन्न प्रायोजकहरुले प्रदान गरेको पुरस्कार प्रदान गरिनेछ ।