टिकापुरलाई एसपिए कप महिला भलिबल उपाधि

धनगढी (हाम्रा खेलकुद) – टिकापुर बहुमुखी क्याम्पसले चौथो मेयर एसपिए कप महिला भलिबल प्रतियोगिताको उपाधि जितेको छ । आयोजक सुदूरपश्चिमाञ्चल क्याम्पसलाई पराजित गर्दै टिकापुरले उपाधि जितेको हो ।

उपाधिसँगै टिकापुर बहुमुखी क्याम्पसले ५० हजार रुपैयाँ नगद पुरस्कार पाएको छ । उपविजेता सुदूरपश्चिमाञ्चल क्याम्पसले २५ हजार पाएको छ । कान्तिराज्यलक्ष्मी मावि पहलमानपुरलाई हराएर अत्तरियाको दुर्गालक्ष्मी तेस्रो भएको छ । दुर्गालक्ष्मीले १२ हजार तथा हात पारेको छ ।

धनगढी उपमहानगरका खेलकुद संयोजक तथा वडा नम्बर ४ का वडाध्यक्ष दिपक थापाले विजेता, उपविजेता र तेश्रो भएका टिमहरुलाई पुरस्कृत गरे । टिकापुरकी अनुषा चौधरी प्रतियोगिताकी सर्वोत्कृष्ट खेलाडी घोषित भएकी छन् ।

फागुन ३० गतेदेखि शुरु भएको प्रतियोगितामा कैलाली जिल्लाका ९ वटा टिम सहभागी थिए । समापन तथा पुरस्कार वितरण समारोहमा क्याम्पसका प्रबन्ध निर्देशक सुवाश शाही, क्याम्पस प्रमुख योगराज उपाध्याय, क्याम्पसका खेल प्रशिक्षक भागिराम बखरिया लगायतको उपस्थिति थियो ।