रुपन्देही सुपर लिग : अमरको अलराउन्ड प्रदर्शनमा तिलोत्तमाको सहज जित

काठमाडौं (हाम्रो खेलकुद) – सिद्धार्थ रंगशालामा जारी रुपन्देही सुपर लिग ए डिभिजन लिग क्रिकेट प्रतियोगितामा तिलोत्तमा क्रिकेट क्लबले बुद्ध क्रिकेट क्लबलाई ८१ रनले पराजित गरेको छ । टस जितेर ब्याटिङ थालेको तिलोत्तमाले ४८.४ ओभरमा १ सय ९९ रनमा अल आउट भएको थियो ।

तिलोत्तमका लागि नेपाल एपिएफ क्लबका अलराउन्डर समेत रहेका अमरसिंह राउटेलाले ६२ बलमा ६ चौका र १ छक्कासहित सर्वाधिक ५२ रन बनाए । भुवन गैरले ७७ बलमा ६ चौकासहित ४८ र याम क्षेत्री ३० रनमा आउट भए । बुद्धका अमितले सर्वाधिक तीन विकेट लिए । विपिन खत्री, सुवास भण्डारी र अजय त्रिपाठीले २-२ विकेट लिए ।

२ सय रनको विजयी लक्ष्य पछ्याएको बुद्ध २९.१ ओभरमा १ सय १८ रनमा अल आउट भयो । बुद्धका लागि सलिम अलीले २१ बलमा ३ चौका र ३ छक्कासहित सर्वाधिक ३३ रन बनाए । विपिन खत्रीले १९ रन अजय १३ रनमा आउट भए । तिलोत्तमका अमरसिंह राउटेलाले ६.१ ओभरमा १ मेडनसहित ११ रन खर्चेर ४ विकेट लिए । कृष्ण पराजुली, कृष्ण भुषाल र कृष्ण कार्कीले २-२ विकेट लिए ।