चितवन (हाम्रो खेलकुद)– लेक ट्वान्टी थाउजेन्ड फार्म रिट्रिट (एटिके) ले अर्को महिना आइ लभ चितवन एलटिके ट्रायक एन्ड फिल्ड प्रतियोगिता आयोजना गर्ने भएको छ ।

खेलाडी उत्पादन गर्दै खेलकुद विकासमा टेवा पुर्याउने उद्देश्यले एलटिकलेले गत वर्षदेखि यो प्रतियोगिता आयोजना गरेको हो । यसपटक चैत १९ गते चितवनको देवनगर चम्पानगरमा प्रतियोगिता आयोजना गर्ने बताइएको छ ।

प्रतियोगितामा जुनियर छात्रा छात्रा र सिनियर महिला पुरुषको गरि ट्रयाक एण्ड फिल्डका २८ इभेन्ट समावेश हुने बताइएको छ । आयकेजकले प्रतियोगितामा छात्रा छात्रातर्फ ६० मिटर, २ सय मिटर, ८ सय मिटर दौड, लङजम्प, सट पुट, ३ किलोमिटर क्रस कन्ट्रीमा प्रतिस्पर्धा हुने जनाएको छ ।

त्यस्तै सिनियर महिला पुरुषतर्फ ६० मिटर, २ सय मिटर, ४ सय मिटर, ८ सय मिटर दौडका साथै लङजम्प, सट पुट, ८ किलोमिटर क्रस कन्ट्रीमा प्रतिस्पर्धा हुनेछ । भेट्रान महिला र पुरुक्षका लागि ५ किलो मिटर क्रस कन्ट्री समावेश गरिएको बताइएको छ ।

हरेक इभेन्टको विजेताले ५ हजार, दोस्रोले ३ र तेस्रो हुने खेलाडीले २ हजार रुपैयाँ प्राप्त गर्नेछन् । त्यस्तै सिनियर र जुनियर दुवैतर्फ महिला र पुरुष उत्कृष्ट खेलाडी छनोट गरि पुरस्कृत गरिने बताइएको छ ।

प्रतियोगिताको सह प्रायोजकका रुपमा भरतपुर नगरपालिका वडा नं ६ र १३ रहेका छन् । एथलेटिक्स परिवार नेपालको सहजिकरण रहने प्रतियोगितामा चितवन जिल्ला एथलेटिक्स संघको प्राविधिक सहयोग रहने जनाएको छ ।