काठमाडौं (हाम्रो खेलकुद) – नेपाल बक्सिङ संघको तत्वावधान तथा प्राविधिक सहयोग एवम् खेलकुद प्रवद्र्धन संस्था नेपाल (स्पोन) को आयोजनामा पहिलोपटक स्कुलस्तरीय ब्वाइज तथा गल्र्स बक्सिङ प्रतियोगिता आयोजना हुने भएको छ ।

आयोजक स्पोनले सोमबार राजिधानीमा पत्रकार सम्मेलनको आयोजना गर्दै स्कुल स्तरीय बक्सिङ प्रतियोगिता आगमी चैतको ५ देखि ७ गतेसम्म हुने जानकारी गराएको हो ।

प्रतियोगितमामा सन् २००७ को जनवरी महिना देखि सन २००९ को डिसेम्बर ३१ सम्म जन्मेका पुरुष तथा महिला खेलाडीहरुलाई ( १२ वर्ष देखि १४ वर्ष भित्रका पुरुष तथा महिला) ले मात्र सहभागिता जनाउन पाउनेछ ।

स्कुल बक्सिङ प्रतियोगिताका सम्पुर्ण खेल आईबा तथा नेपाल बक्सिङ संघको नियम अनुसार खेलाईने छ । उक्त प्रतियोगितामा महिला तथा पुरुषको सम्पुर्ण खेलहरु १ मिनेट ३० सेकेण्डको ३ राउण्डसम्म खेलाईने छ । १ मिनेटको आराम दिईनेछ ।

उक्त प्रतियोगितामा ब्वाइजतर्फ ३५ केजी, ३७ केजी, ४० केजी, ४३ केजी, ४९ केजी, ५२ केजी, ५५, केजी, र ६१ क्ेजी गरी कुल १० वटा तौल समुहमा तथा गल्सतर्फ ३५ केजी, ४० केजी, ४३ केजी, ४६ केजी, ४९ केजी, ५२ केजी, ५५ केजी र ६० केजी कुल ८ तौल समूहमा खेल हुनेछ ।

उक्त प्रतियोगितामा ब्वाइज र गल्सतर्फ देशभरीका २२ देखि २५ वटा जिल्ला तथा क्लबहरुका ७० देखि ८० जना खेलाडीहरुको सहभागिता रहनेछ आयोजकले अनुमान गरेको छ । यस्तै स्पोनले नेपाल बक्सिङ संघसँग सहकार्य गर्दै नियमित रुपमा प्रतियोगिता गराउने सम्झौता गरेको छ ।

प्रतियोगिताकै समयमा २०२२ को अप्रिलमा फुकेटमा हुने थाईल्याण्ड ओपन ईन्टरनेशनल बक्सिङ प्रतियोगिताको खुल्ला छनोट खेल पनि गराईने छ । स्कुल बक्सिङ प्रतियोगिता आउदो नोभेम्बरमा बहराईनमा हुने एएसबीसी एशियन स्कुल ब्वाइज एण्ड गल्र्स बक्सिङ प्रतियोगिताको प्रारम्भिक छनौटको आधार पनि रहने छ ।

उक्त प्रतियोगिताको समयमा नेपालले १३औ साग गेमका स्वर्णपदक विजेता तीन जना खेलाडीहरु ६० केजीका सनिल शाही, ६४ केजीका भुपेन्द्र थापा मगर र महिलातर्फ ५४ केजी तौलमा स्वर्ण पदक विजेता मिनु गुरुङलाई मुख्य प्रशिक्षकको तर्फबाट जनही १ लाख नगर पुरुष्कार समेत प्रदान गरिने छ ।