3 years ago
March 6, 2022
काठमाडौं(हाम्रो खेलकुद) – रुपन्देही क्रिकेट संघको आयोजनामा सिद्धार्थ रंगशालामा जारी रुपन्देही सुपर लिगमा मेलबर्न क्रिकेट क्लब(एमसिसी) ले लगातार दोस्रो जित हात पारेको छ । एमसिसीले देवदह क्रिकेट क्लबलाई ९८ रनले पराजित गर्दै लगातार दोस्रो जित हात पारेको हो ।
टस जितेर ब्याटिङ थालेको एमसिसी ३३.२ ओभरमा १ सय ८६ रनमा अल आउट भयो । एमसिसीका लागि ओपनर सुशान्त थापाले ५१ बलमा ८ चौकासहित सर्वाधिक ४८ रन बनाए । सबिन रत्न साक्यले २१ बलमा ५ चौका र १ छक्कासहित ३४ रन जोडे । तल्लोक्रमका मोहम्मद मोईनले ३५ र शिव कुमार १२ रनमा आउट भए ।
देवदहलाई अर्जुन रायमाझी र सुदीप जि.सी.ले ३–३ विकेट लिए । सुरज दराईले २ र विराट क्षेत्रीले १ विकेट लिए । १ सय ८७ रनको विजयी लक्ष्य पछ्याएको देवदह २४ ओभरमा ८८ रनमा अल आउट भयो । उसका लागि अर्जुन रायमाझीले २१, विनिथ कार्की १०, सुरज दराई १३ र सन्दीप पाण्डेले ११ रन बनाए । एमसिसीका रोशन अली गुप्ताले ७ ओभरमा १ मेडनसहित २७ रन खर्चेर ४ विकेट लिए । शिव र सन्तोष यादवले २–२ विकेट लिए ।
December 18, 2024
एजेन्सी – भारत र अस्ट्रेलियाबीचको बोर्डर गावास्कर ट्रफी अन्तर्गतको तेस्रो टेस्टमा बराबरीमा सकिएको छ । तेस्रो टेस्टमा अस्ट्रेलियाले जितका लागि दिएको २ सय ७५ रनको लक्ष्य पछ्याउने क्रममा पाँचौं तथा अन्तिम दिन बुधवारको खेल वर्षाका कारण हुन सम्भव भएन । पहिलो इनिङमा अस्ट्रेलियाले भारतविरुद्ध १ सय ८५ रनको अग्रता लिएको थियो । दोस्रो इनिङमा ८९ […]
December 13, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा शुक्रवारको दोस्रो खेलमा विराटनगर किंग्सले टस जितेको छ । टियु क्रिकेट मैदान कीर्तिपुरमा भएको टस जित्दै विराटनगरका कप्तान सन्दीप लामिछाने ब्याटिङ रोजेका हुन् ।
December 12, 2024
काठमाडौं(हाम्रो खेलकुद) – चितवन राइनोजले युएईका अलराउन्डर बासिल हमिदलाई बाँकी रहेको नेपाल प्रिमियर लिग(एनपिएल) को लागि टोलीमा भित्र्याएको छ । विदेशी खेलाडीका रुपमा चितवनले हमिदलाई टोलीमा भित्र्याएको बिहीवार जनाएको छ । हमिदले युएईको लागि निरन्तर प्रभाव पार्दै आएका छन् । उनले टी ट्वान्टीमा ७० खेल्दै ८ सय ५८ रन बनाउनुको साथै ३८ विकेट लिएका छन् […]
