काठमाडौं (हाम्रो खेलकुद) – बागमती प्रदेशकी शिक्षा नापित र सेनाकी सिता पाठकले प्रथम बीर गणेशमान सिंह राष्ट्रिय फेन्सिङ्ग प्रतियोगितामा महिलातर्फ स्वर्ण जितेका छन् ।

शिक्षा नापितले महिला ब्यक्तिगत सावरतर्फ स्वर्ण जित्ने क्रममा एपिएफकी उर्मिला लामालाई १५–९ अंकले पराजित गरिन् । एपिएफकी शुक घिसिङ र सेनाकी मनिषा श्रेष्ठले कास्य पदकमा चित्त बुझाइन् ।

यस्तै शनिबारै भएको महिला ईपीतर्फको खेलमा सेनाकी सिता पाठकले एपिएफकी जानुका स्याङतानलाई १५–१२ ले पछि पार्दै स्वर्ण जितिन् । एपिएफकी अनिता कार्की र नेपाली सेनाकी ईन्दिरा पौडेलले कास्य पदक प्राप्त गरिन् ।

बीर गणेशमान सिंह स्पोर्टस् कमिटि र नेपाल फेन्सिङ संघको संयुक्त आयोजनमा शनिबारबाट सुरु भएको प्रतियोगितामा चार क्षेत्र बागमती, सुदूरपश्चिम, गण्डकीका साथै दुई विभागिय टोली नेपाली सेनाको त्रिभुवन आर्मी क्लब र सशस्त्र प्रहरीको एपिएफ क्लब गरि ६ टोलीका ११४ खेलाडीहरुले १२ स्वर्ण पदकका लागि प्रतिस्पर्धा गरिरहेका छन् ।

प्रतियोगितामा सावर, ईपी, फ्वाईल गरि तीन बिधामा ब्यक्तिगत र टिम स्पर्धामा महिला तथा पुरुषको प्रतिस्पर्धा हुने छ । प्रतियोगिताको नेपाल सरकारका पूर्व उपप्रधानमन्त्री एवं बीर गणेशमान सिंह फाउण्डेशनका अध्यक्ष नेपाली काँग्रेसका नेता प्रकास मान सिंहले पादनसमा द्विप प्रज्वलन गरि उद्घाटन गरे ।