भक्तपुर (हाम्रो खेलकुद) – मध्यपुर थिमीमा नगद पुरस्कारसहित आयोजित सर्वोच्च नेता वीर गणेशमान सिंह स्मृति आमन्त्रण कराते प्रतियोगिताको उपाधि बानेश्वरको देउराली डोजोले उचालेको छ ।

मध्यपुर सितेरियो कराते डोजोको आयोजनामा काठमाडौं उपत्यका र काभ्रे व्यापी आमन्त्रण कराते तथा किक् बक्सिङ प्रतियोगिताको उपाधी बानेश्वरको देउराली डोजोले उचालेको हो ।

देउराली डोजोले ९ स्वर्ण ६ रजत र ३ कास्यसहित प्रथम स्थान हाँसिल गरेको हो । टिम प्रथम भएको उक्त डोजोले नगद रु २० हजार सहित ट्रफी हात पारेको छ । यस्तै भक्तपुर मेन डोजो प्रतियोगितामा टिम दोस्रो भएको छ । भक्तपुर मेन डोजोले ६ स्वर्ण ६ रजत र ५ कास्यसहित दोस्रो स्थान हाँसिल गरेको थियो । दोस्रो हुने टिमले नगद रु १० हजारसहित ट्रफी हात पारे ।

यस्तै टिम तृतिय भने मध्यपुर थिमी डोजो भएको थियो । मध्यपुर थिमी डोजोले १ स्वण ४ रजत र ७ कास्य पदक हाँसिल गरेको थियो । टिमले नगद रु ५ हजार र ट्रफि हाँसिल गरेको थियो । प्रतियोगितामा उदयमान खेलाडी प्रज्ञा गुरुङ, नगदेश डोजा अनुसासित टिम भए ।

यस्तै महिलातर्फ कञ्चन नेपालीले उत्कृष्ट खेलाडीको उपाधिसँगै माउन्टेन बाइक पुरस्कार प्राप्त गरिन् । पुरुषतर्फ विद्या आर्जन स्कुलका सुलभ भुजुले उत्कृष्ट खेलाडी हुँदै माउन्टेन बाइक प्राप्त गरे ।

कार्यक्रममा बागमती प्रदेश भौतिक योजना मन्त्री कृष्णलाल भँडेलले स्वास्थ्यका लागि मात्र नभएर देशका लागि खेलकुद भन्दै खेलको विकासमा सबै तहका सरकारले काम गर्नु पर्ने बताएका थिए ।

मध्यपुर थिमी नगरपालिकाकी उपमेयर अञ्जना मधिकर्मीले खेल विकासका लागि नगरले जस्तो पनि योगदान दिन तयार भएको बताईन् ।