काठमाडौं (हाम्रो खेलकुद) – एपिएफका दिपेश धामी र बिजित थापा मगरको जोडी लिनिङ ११औं पुष्पलाल स्मृती ¥याङकिङ राष्ट्रिय ब्याडमिन्टन प्रतियोगिताको सेमिफाईनलमा प्रवेश गरेको छ ।

धामी र मगरको जोडीले सेनाका नविन श्रेष्ठ र प्रफुल महर्जनको जोडीलाई २१–१६ र २१–१० ले पराजित गर्दै अन्तिम चारमा स्थान बनाएका हुन् ।यस्तै कास्कीका बिधान अधिकारी र भुवन गुरुङको जोडीले पुलिसका बिष्णु कटुवाल र अनिष श्रेष्ठको जोडीलाई २१–१५ र २१–१३ ले पराजित गर्दै सेमिफाईन प्रवेश गरेका छन् ।

पुलिसका जीवन आचार्य र सुनिल जोशीले बाँकेका ईरफान अन्सारी र धातुका सुदीप सेढाईलाई २१–१५, १७–२१ र २१–१३ ले पराजित गरे । यस्तै सेनाका रुकेश महर्जन र सुरोज महर्जनको जोडीले ललितपुरका सशिन डंगोल र सुमित महर्जनको जोडीलाई २१–१७ र २१–१६ ले पराजित गरे ।

राष्ट्रिय ब्याडमिन्टन संघ, नेपाल तथा नखिपोट युथ क्लबको संयुक्त आयोजनामा भएको प्रतियोगिताको पुरुष एकल (शीर्ष १६ बाहेक) को प्रतिस्पर्धामा सेनाका दिवश शंकरले सेनाका बिवेक चौधरीलाई १८–२१, २१–८ र २१–११ ले पराजित गरे । सेनाका पविन लिनथेपले सेनाकै आयुश्मान नागरीलाई २१–१२ र २१–१९ ले पराजित गरे ।

कास्कीका बिधान अधिकारीले १६ फिदरका क्षितीज खनाललाई २१–१९ र २१–१४ ले पराजित गरे । मोरङका भोजबहादुर गुरुङले साईनोका सुजन थापालाई १४–२१, २१–१० र २१–१५ ले पराजित गरे ।

नेपाल ब्याडमिन्टन संघको प्राविधिक सहयोगमा भएको प्रतियोगिताको महिला एकल (उच्च बरियता १२ बाहेक)मा एनआरएनकी सानिया चन्दले जित हात पारिन् । चन्दले सेमिफाईनल प्रवेश गर्ने क्रममा सुनसरी ब्याडमिन्टन एकेडेमीका रोजी राईलाई २१–११ र २१–१२ ले पराजित गरिन् ।

यस्तै सेनाकी पे्रक्षा राईले सर्लाहीका निकिता लामालाई २२–२०, १६–२१ र २१–१८ ले पराजित गर्दै सेमफाईनलमा चन्द संगको भेट पक्का गरिन् । पाल्पाकी दिया शाक्यले सेमिफाईनल प्रवेश गर्ने क्रममा कञ्चनपुरकी निलिमा महरालाई १५–२१, २२–२० र २१–१२ ले पराजित गरिन् । यस्तै कैलालीकी एनिला सुनारले सेनाकी प्रियान्सी बमबाट वाकओभर प्राप्त गर्दै सेमिफाईनलमा दिया संगको भेट पक्का गरिन् ।

नखिपोट युथ क्लबको कभर्डहलमा भएको प्रतियोगिताको यु १७ पुरुष तर्फको खेलमा सिल्क ग्रुपका नरेन्द्र बलमे जित निकाले । उनले कपिलबस्तुका राज बर्मालाई २६–२४ र २१–१३ ले पराजित गरे । अर्को खेलमा सेनाका डेभिड थापा मगरले सेनाकै बिवेक चौधरीलाई १५–२१, २१–११ र २१–१३ ले पराजित गर्दै नरेन्द्र संगको भेट पक्का गरे ।

सेमिफाईनल प्रवेश गर्ने क्रममा १६ फिदरका क्षितिज खनालले पाल्पाका सुरोज तिमिल्सीनालाई २१–१३ र २१–८ ले पराजित गरे । अव उनले सेनाका आयुश्मान नागरीसंग फाईनल प्रवेशका लागि प्रतिस्पर्धा गर्ने भएका छन् । नागरीले सनौला रईनीलाई २१–८ र २१–११ ले पराजित गरे ।

यु १७ महिला तर्फ राष्ट्रिय च्याम्पियन रशिला महर्जनले एनआरएन सानिया चन्दलाई पराजित गरिन् । रशिलाले चन्दलाई २१–२ र २१–१३ ले पराजित गर्दै सेमिफाईनलमा कैलालीकी एलिना सुनारसंग प्रस्पिर्धा गर्ने भएकी हुन् । एलिनाले सेनाकी प्रेक्षा राईलाई २१–१३ र २१–१२ ले पराजित गरेकी हुने ।

यस्तै सेमिफाईनल प्रवेश गर्ने अर्का खेलाडीहरुमा सेनाका प्राथना देउवा र रोज पाण्डे रहेका छन् । प्राथनाले सुनसरी ब्याडमिन्टन एकेडेमीकी रोजी राईलाई २१–३ र २१–५ ले तथा रोजले कञ्चनपुरकी बिष्णा बिष्टलाई २१–९ र २१–१६ ले पराजित गरेका हुन् ।