काठमाडौं (हाम्रो खेलकुद) – बक्समाण्डुका सुरज महर्जनले १ नम्वर प्रदेशस्तरीय बीर गणेशमान नोभिस बक्सिङ प्रतियोगिता तथा अल नेपाल एनएएन मिस्टर फेदर वेट बक्सिङ च्यािम्पयनसिपमा विजयी सुरुवात गरेका छन् ।

उनले प्रि–क्वाटरफाइनलमा उदयपुरका नारायण भुजेललाई दोस्रो राउण्डमा पराजित गरेका हुन् । वेन्टम वेट ५४ केजीतर्फ एबीसी, सुनसरीका वियान राई र झापाका निश्चल राजबंशीले क्रमशः दपकका फुंगहांग लिम्बु र मोरंगका पिन्स झालाई पराजित गरे ।

नेपाल बक्सिङ संघको तत्वावधानमा सुनसरी बक्सिङ संघको आयोजना एवं धरान उपमहानगरपालिकाको संयोजकत्वमा गतेसम्म सञ्चालन हुने उक्त खेलमा सुनसरी जिल्ला बक्सिङ संघका वरिष्ठ सल्लाहकार विनोद राईले उद्घाटन गरे ।

सुनसरी जिल्ला बक्सिङ संघका अध्यक्ष विकासकुमार गुवाजुलगायत अतिथिद्वारा यस क्षेत्रका फेदर वेट ५७ किलो तौल समुहमा देशको प्रतिनिधत्व गर्दै अन्तर्रष्ट्रिय स्तरमा नेपाललाई पदक जिताउन सफल तीन जना खेलाडीहरु सम्मान गरिएको छ ।

ओलम्पियन तथा नेपाल बक्सिङ संघका उपाध्यक्ष नरेन्द्र लिम्बु पोमो, सुनसरी जिल्ला बक्सिङ संघका वरिष्ठ प्राविधक सल्लाहकार एवं पुर्व बक्सिङ प्रशिक्षक एवं दक्षिण एशियालीका पदकधारी अनुपकुमार लामा र बक्सिङका सहायक प्रशिक्षक एवं दक्षिण एशियाली खेलकुदमा रजत पदक विजेता निमा तामाङलाई सम्मान पत्र प्रदान गरिएको थियो ।

अल नेपाल फेदर वेटमा ५ जना खेलाडीहअरु र १ नं. प्रदेश गणेशमान सिंह नोबिस बक्सिङ प्रतियोगितामा महिला ११ र पुरुश ३७ जना खेलाडीहरुको सहभागीता रहेको छ ।