काठमाडौं (हाम्रो खेलकुद)– नेपाल सेनाले अर्को महिना प्रधान सेनापती खेलकुद म्याराथन तथा रन फर फन आयोजना गर्ने भएको छ । युनिटी, टिम स्पिरिट र स्ट्रेन्थ नाराका साथ म्याराथन फागुन १४ गते आयोजना गरिने सेनाले बिहीबार पत्रकार सम्मेलनमार्फत जानकारी दिएको छ ।

जसमा पुरुष म्याराथन खेला, महिला/पुरुष हाफ म्याराथन, सैनिक अधिकृत महिला/पुरुषका लागि १० किलोमिटर तथा उपत्यका भित्रका सहायक रथी र सो भन्दा माथिका रथी, सनिक श्रीमती संघका कार्यकारी पदाधिकारी र आमन्त्रित विशिष व्यक्तिहरुका ५ किलोमिटर दौड समावेश गरिएको बताइएको छ ।

महाशिवरात्री तथा सेना दिवसको अवसरमा आयोजना हुने सातौं सस्करणको पुरुषतर्फ म्याराथनका विजेता, उपविजेता र हाफ म्याराथनका विजेताले नगदसहित मोटर साइकल तथा महिला हाफ म्याराथनकी विजेताले नगदसहित स्कुटर पुरस्कार वापत प्राप्त गर्ने बताइएको छ ।
म्याराथनमा २ सय, हाफ म्याराथनमा २ सय ५०, १० किमीमा २ सय ५० र ५ किलोमिटरमा ४ सय ५० गरि १ हजार १ सय ५० खेलाडीको सहभागिता रहने अनुमान सेनाले गरेको छ ।

म्यारथानको विजेताले ३ लाखसहित रिसिक अटोमोबाइल प्रालिले प्रायोजन गरेको याहामा मोटरसाइलक प्राप्त गर्नेछन् । म्याराथनमै दोस्रो हुनेले २ लाख रुपैयाँ र काठमाडौं महानगपालिकाले प्रायोजन गरेको मोटरसाइकल जित्नेछन् । त्यस्तै हाफ म्याराथनको महिलातर्फको विजेताले ७५ हजारसहित काठमाडौं महानगरपालिकाले प्रायोजन गरेको स्कुटर पाउनेछिन् । हाफ म्याराथनको पुरुषतर्फको विजेताले ७५ हजार र म्याटर ट्रेडिङ कम्पनीले प्रायोजन गरेको मोटरसाइकल पाउनेछन् ।

म्याराथनतर्फको तेस्रोले तेस्रोले १ लाख रुपैयाँ पुस्कार प्राप्त गर्नेछन् । त्यस्तै चौथोले ५०, पाचौंले ३०, छैटौंले २५ हजार, सातौंले २०, आठौंले १५, नवौंले १० र दसौं हुने खेलाडीले ५ हजार पैयाँ प्राप्त गर्ने बताइएको छ । त्यस्तै महिला/पुरुष हाफ म्याराथनको दोस्रो हुनेले ५० हजार र तेस्रोले ३५ हजार रुपैयाँ प्राप्त गर्नेछन् ।

त्यस्तै १० किमी सैनिक अधिकृत महिला/पुरुषको विजेताले १० हजार, दोस्राले ७ हजार र तेस्रोले ५ हजार रुपैयाँ पाउनेछन् । सैनिक सहचारी महिला र पुरुषतर्फको सिवजेताले १० हजार, दोस्रोले ७ हजार र तेस्राले ५ हजार रुपैयाँ प्राप्त गर्नेछन् ।

खुला म्याराथनको पहिलो संस्करणमा पुलिसका भुमिराज राई, दोस्रोमा एपिएफका गोपीचन्द्र पार्की र तेस्रो र चौथोमा आर्मीका कृष्ण बस्नेत, पाँचौमा आर्मीकै होमलाल श्रेष्ठ तथा छैटौंमा आर्मीकै कृष्ण बस्नेत च्याम्पियन बनेका थिए ।