पोखरा (हाम्रो खेलकुद) – विभागीय नेपाल पुलिस क्लबको चुनौती सोझो सेन्टमा पन्छाउँदै अर्काे विभागीय टोली त्रिभुवन आर्मी क्लब दोस्रो संस्करणको टाइगर कप आमन्त्रित खुल्ला क्लब च्याम्पियनसिप महिला तथा पुरुष भलिबल प्रतियोगिताको पुरुषतर्फ फाइनलमा प्रवेश गरेको छ ।

पोखरा रंगशालास्थित भलिबल कोर्टमा शुक्रबार भएको राउन्ड रोविनको अन्तिम खेलमा आर्मीले पुलिसलाई ३–० को सोझो सेटमा पराजित गर्दै फाइनलमा स्थान पक्का गरेको हो । एकपक्षीय खेलमा आर्मीले पुलिसमाथि २५–१५, २५–१८ र २५–१३ को एकपक्षीय जित निकाल्यो । साविकको उपविजेतासमेत रहेको आर्मीले पुलिसलाई कुनैपनि समय खुलेर खेल्न दिएनन् ।

जितसँगै आर्मीले ४ खेलबाट ९ अंक जोड्यो । पराजित भएको पुलिसले ४ खेलबाट ८ अंक जोड्दै तेस्रो स्थानमा रह्यो । गण्डकी ३ अंकसहित चौथो स्थानमा रहँदा एपिएफ अंकविहीन हुँदै पुछारमा रह्यो ।

अब आर्मीले उपाधिका लागि शनिबार टिप टप हेल्प नेपालसँग प्रतिस्पर्धा गर्नेछ । हेल्प नेपालले शुक्रबारै साविक विजेता गण्डकी प्रदेशलाई सोझो सेटमा पराजित गर्दै फाइनलमा स्थान पक्का गरिसकेको छ ।

महिलातर्फ आर्मीले फाइनलमा स्थान सुरक्षित गर्दा एक टोलीको टुंगो लाग्न बाँकी छ । एपिएफ र न्यु डायमन्डमध्ये एक टोल िफाइनल पुग्नेछ ।