काठमाडौं (हाम्रो खेलकुद) – बानेश्वर फुटसल रिक्रियसन सेन्टर र ताहचलले राजधानीमा जारी रेडबुल फुटसल लिगमा बिहीबार जित हासिल गरेका छन् । समूह ए अन्तर्गत बानेश्वरले होम ग्राउन्डमा समूहको शीर्ष टोली किकअफ फुटसललाई ५–३ ले हरायो ।

बानेश्वरको जितमा मानसाजन राजभण्डारीले ह्याट्रिक गर्दा विपु लामाले २ गोल गरे । खेलको म्यान अफ द म्याच बानेश्वरका गोलकिपर रजत शर्मा भए । हारका वावजुद ९ खेलमा किक अफको २१ अंक छ । उत्तिनै खेलमा दोस्रो स्थानमा रहेको बानेश्वरको १९ छ ।
समूह बीमा ताहचलले कीर्तिपुर फुटसललाई ११–५ को फराकिलो अन्तरले हरायो । ताहचललाई जिताउन म्यान अफ द म्याच सुजित बुढाथोकी ६ गोल गरे भने राज शाहीले २ तथा विजय शाही, विनय महर्जनले १÷१ गोल गरे । अर्को गोल कीर्तिपुरबाट आत्मघाती रुपमा पायो । कीर्तिपुरका यमन महर्जनले २ ,जोन महर्जन, एपेक्स महर्जन र अमिर तामाङले १÷१ गोल फर्काए ।
समूह बीमा ९ खेलबाट २२ अंक जोडेको शंखमूलले शीर्ष स्थान, ताहाचल ९ खेलबाटै १९ अंकका साथ दोस्रो स्थानमा छ । छैटौं स्थानको कीर्तिपुरको ७ अंक छ ।