काठमाडौं (हाम्रो खेलकुद) – हङकङमा दोस्रो संस्करणको चियरमेन कप पुरुष डबल्स ब्याडमिन्टन प्रतियोगिता सम्पन्न भएको छ । युङ युके रोड स्पोर्ट्स सेन्टरमा शनिबार भएको फाइनलमा समूह ‘क’ बाट विरेन थापा र किरण बुढाथोकीले जोडीले उपाधि जित्दा समूह ‘ख’ बाट चन्द्र राई र राज कुमार राईको जोडीले च्याम्पियन बनेका छन् ।

विरेन र किरणको जोडीले रवि र प्रेमको जोडीलाई २१–१४, २०–२२ र २१–१५ को सेटमा पराजित गरेको छ । चन्द्र र राज कुमारको जोडीले किरण राई र उत्तम गुरुङको जोडीलाई २२–२० र २१–१८ को सेटमा पराजित गर्नै उपाधि जित्न सफल भएको हो ।
उपाधिसँगै दुवै समूहको विजेताले ५ हजार हङकङ डलर प्राप्त गरेका छन् ।

विजयी खेलाडीलाई राजदुत उदय बहादुर रानामगर, महिला संघका अध्यक्ष तथा एनआरएनए हङकङकी राधिका गुरुङ (टिका), हङकङ नेपाली व्यापार संघका अध्यक्ष प्रकाश पुन, युवा व्यवसायी प्रविन किशोर राईलगायतले पुरस्कृत गरे ।

हङकङ नेपिल्ज ब्याडमिन्टन एसोसिएसनको आयोजनमा भएको प्रतियोगितामा समूह ‘क’ मा ११ तथा समूह ‘ख’ मा पनि ११ जोडीले प्रतिस्पर्धा गरेका थिए ।